VAT நீக்கம் MPAYE இல் திருத்தம்

யோகட், பால்சார் உற்பத்தி மீதான வற் திருத்தம் | வரி விதிப்பை தவிர்த்துகொள்ள முடியும் | வாகனச் சந்தை கட்டம் கட்டமாக திறக்கப்படும் | பாடசாலை மாணவர்களுக்கு 6000 ரூபாய் கொடுப்பனவு

ஏப்ரல் மாதமளவில் பெறுமதி சேர் வரி (VAT) நீக்கப்படும் என்று தெரிவித்த ஜனாதிபதி அனுரகுமார திசாநாயக்க, உழைக்கும் போது செலுத்தும் வரி (PAYE) வரம்பை அதிகரிக்க நடவடிக்கை எடுக்கப்பட்டுள்ளது. என்றார். இந்தியாவுக்கான மூன்று நாள் உத்தியோகபூர்வ விஜயத்தை நிறைவு செய்துகொண்டு, புதன்கிழமை (18) நாடு திரும்பிய ஜனாதிபதி, பாராளுமன்றத்துக்கு வந்து உரையாற்றும் போதே மேற்கண்ட அறிவிப்பை விடுத்தார்.

2028 ஆம் ஆண்டிளவில் கடன் செலுத்தப்படவிருப்பதால் நாடு மீண்டும் வங்குரோத்து நிலைக்குச் செல்லும் என்ற எண்ணம் தோற்றுவிக்கப்படுகிறது. 2028 இலும் எமது அரசாங்கமே இருக்கப்போகிறது என்பதை நினைவில் கொள்ளுங்கள். அதேபோல் 2022 - 2023 களில் ஏற்பட்டது போன்ற நிலைமை மீண்டும் ஏற்படுவதற்கு நாம் ஒருபோதும் இடமளியோம்.

எமது வெளிநாட்டு கையிருப்பை 2028 ஆம் ஆண்டளவில் 15.1 பில்லியன் டொலர்களாக அதிகரித்துக்கொள்ளும் எதிர்பார்ப்புடன் நாம் இருக்கிறோம். 15.1 டொலர் பில்லியன்களை ஈட்டிக்கொள்ள முடியும் என்ற வலுவான நம்பிக்கை எமக்கு இருக்கிறது.

பொதுத்தேர்தல் நிறைவடைந்த பின்னர் நவம்பர் 16 ஆம் திகதி நாம் மீண்டும் சர்வதேச நாணய நிதியத்துடன் மூன்றாவது மீனாய்வை ஆரம்பித்தோம். இரண்டாவது மீளாய்வில் முன்னைய அரசாங்கத்தினால் எட்டப்பட்ட அடைவுகள், இணக்கப்பாடுகள் பல காணப்பட்டன.