NRIના ભાઇને વૃદ્ધે જૂતા સાથે મંદિરમાં જતાં રોકતા USથી સોપારી આપી હતી

દેત્રોજના ઓઢવ ગામમાં વૃદ્ધની હત્યા કેસમાં ત્રણ ઝડપાયા અમેરિકામાં રહેતા NRI આરોપી સહિત ત્રણ ફરાર

અમદાવાદ જિલ્લાના દેત્રોજના ઓઢવ ગામમાં થોડા દિવસ પહેલાં મારામારી અને હત્યાનો બનાવ બન્યો હતો. વૃદ્ધને પગમાં તીક્ષણ હથિયારોના ઘા મારી ઇજાગ્રસ્ત કરવામાં આવ્યા હતા. સારવાર દરમિયાન વૃદ્ધનું મોત થતા મામલો હત્યામાં ફેરવાયો હતો. દેત્રોજ પોલીસે વૃદ્ધને માર મારીને હત્યા નિપજાવનાર ત્રણ આરોપીની ધરપકડ કરી છે. આરોપીઓની પૂછપરછ કરતાં એક આરોપી ચપ્પલ પહેરીને મંદિરમાં જતા વૃદ્ધે તેને ઠપકો આપીને રોક્યો હતો. આરોપીએ અમેરિકામાં રહેતા તેના ભાઇને આ વાત કરતા તેણે યુએસમાં બેસીને અહીંના લોકોને વૃદ્ધને મારવાની સોપારી આપી હોવાનું સામે આવ્યું છે.