సుందర హిల్ స్టేషన్ మున్నార్

దక్షిణ భారతదేశంలోని కేరళరాష్ట్రంలోని ఇడుక్కీ జిల్లాలో అత్యంత ప్రాచీనమైన వేసవి విడిది మున్నారు.

- షేక్ అబ్దుల్ హకీం జాని

దక్షిణ భారతదేశంలోని కేరళరాష్ట్రంలోని ఇడుక్కీ జిల్లాలో అత్యంత ప్రాచీనమైన వేసవి విడిది మున్నారు. చుట్టూ జలపాతాలు, ట ఆహ్లాదపరిచే టీ తోటలు వీటన్నింటికంటే మిన్నగా సముద్ర మట్టానికి పన్నెండు వేల అడుగుల ఎత్తులో టాపాల్స్ పై అడుగిడితే మేఘాలు మన మీదుగా పయనిస్తుంటాయి. మున్నార్ వెళితే ఈ అనుభూతులను మదిలో పదిలం చేసుకోవచ్చు. మున్నార్ హిల్టషన్ మూతిరపుళా, నల్లతాని, కుందాల అనే మూడు పర్వత వాగులు సంగంలో ఉన్నది.మూడువాగుల సంగమ ప్రదేశం కావడం చేత దీన్ని స్థానికులు (మూన్ఎరా) మూడు సెలయేళ్లు అని పిలుస్తారు. ప్రకృతిలోని అందాలన్నీ మున్నార్ కుప్పపోసినట్లు అనిపిస్తుంది. ఈ రమణీయ అందాలను చూసి పర్యాటకుల హృదయం ఉల్లాసంతో ఉరకలేస్తుంది. ఇక్కడ ఎప్పుడు వర్షం పడుతుందో, ఎప్పుడు కురవదో ఖచ్చితంగా చెప్పలేం. అప్పటికప్పుడు మేఘాలు నాట్యం చేస్తున్నాయి అన్నచందన వర్షం పడుతుంది. ఇక్కడి కొండలలోఉండే వాతావరణం టీ మొక్కల పెంపకానికి అనువుగా ఉంటుంది. మున్నార్ టీ తోటలు పర్వతాలపై ఆకుపచ్చని తివాచీని పరచిన రీతిలో కానవస్తాయి. కొచ్చి నుంచి మున్నార్ 130 కి.మీ. దూరం ఉంటుంది. హనీమూన్ జంటలు ఇక్కడకు వచ్చి సేదతీరుతారు. అతిపెద్ద ఏనుగులపై కూర్చుని ఇక్కడ ప్రకృతి దృశ్యాలను తిలకించవచ్చు. స్వేచ్చగా తిరిగే ఏనుగులు కూడా ఇక్కడ కానవస్తాయి.