ഒരു തരി പൊന്നിന്റെ നിറമെന്താ?

സ്വർണത്തിനു സ്വർണ മഞ്ഞ നിറം മാത്രമല്ല, നീലയും പച്ചയും ചുവപ്പും ഉൾപ്പെടെ പല നിറങ്ങളുമുണ്ട്.

- ഡോ. നയനദേവരാജ് ഗവേഷക, ഐ.ഐ.എസ്സി. ബാംഗ്ലൂർ, ഫോൺ : 9497854826

എന്തു ചോദ്യം ഇത്? സ്വർണത്തിന്റെ അല്ലേ ദിവസംതോറും മാറുന്ന, നിറം മാറുന്നില്ലല്ലോ എന്നാണോ? എന്നാൽ സ്വർണത്തിനു സ്വർണ മഞ്ഞ നിറം മാത്രമല്ല, നീലയും പച്ചയും ചുവപ്പും ഉൾപ്പെടെ പല നിറങ്ങളുമുണ്ട്.

കഴുത്തിലും കാതിലും കൈയിലും എന്നുവേണ്ട ശരീരത്തിലെ പറ്റാവുന്നിട തൊക്കെ സ്വർണമിട്ടു നടക്കുന്നവരെ ചെറുപ്പം മുതൽ കാണാറുണ്ട്. പക്ഷേ ഈ നിറത്തിലൊന്നും സ്വർണത്തെ കണ്ടില്ലല്ലോ എന്നല്ലേ? അപ്പോൾ പിന്നെ എപ്പോഴാണ് സ്വർണം ഇങ്ങനെ പല നിറങ്ങളിൽ കാണുക? എന്താണ് ഇതിനു കാരണം? സ്വർണം മാത്രമാണോ ഇത്തരത്തിൽ കാണപ്പെടുന്നത്?

ഇതിനൊക്കെ ഉത്തരം കിട്ടണമെങ്കിൽ നമുക്ക് പരിചയമില്ലാത്ത മറ്റൊരു ലോകത്തെ പരിചയപ്പെടണം. കുഞ്ഞൻ പദാർ ത്ഥങ്ങളുടെ ലോകം. അവരെ പരിചയപ്പെട്ടാൽ പിന്നെ നമ്മൾ സാധാരണ രീതിയിൽ കാണുകയും കൈകാര്യം ചെയ്യുന്നതുമെല്ലാം വളരെ വലിയ വസ്തുക്കളെയാണ്. ഒരു കടുകുമണിക്ക് വരെ 1 മില്ലി മീറ്റർ വ്യാസമുണ്ട്. ഒരു മില്ലി മീറ്ററിന്റെ ആയിരത്തിൽ ഒന്നാണ് മൈക്രോൺ അഥവാ മൈക്രോമീറ്റർ. ഒരു മൈക്രോണിനു മുകളിൽ വലുപ്പമുള്ള പദാർത്ഥളൊക്കെ ചില ശാസ്ത്രജ്ഞർക്ക് വലിയ പദാർത്ഥങ്ങൾ ആണ്. അതുകൊണ്ട് അവയെ സ്ഥലപദാർത്ഥങ്ങൾ എന്നുപറയുന്നു. അപ്പോൾ ഇതിലും ചെറിയ പദാർത്ഥങ്ങൾ സാധ്യമാണോ? തീർച്ചയായും സാധ്യമാണ്. വലുപ്പം ഇനിയും കുറയ്ക്കുക വഴി പദാർത്ഥങ്ങളെ 1 nm (10m) വരെ എത്തിക്കാം. 1100 നാ നോമീറ്റർ ഇടയിൽ വലുപ്പമുള്ള പദാർത്ഥങ്ങളെ പൊതുവേ നാനോമെറ്റീരിയൽ എന്നുപറയുന്നു. ഇത്തരം നാനോ പദാർത്ഥങ്ങൾ സാധാരണ പദാർത്ഥത്തിൽ നിന്നും തീർത്തും വിഭിന്നമായ സ്വഭാവ സവിശേഷതകളാണ് പ്രകടിപ്പിക്കാറുള്ളത്. എന്നു മാത്രമല്ല രൂപമോ വലുപ്പമോ അല്പം ഒന്ന് മാറിയാൽ ഉടൻ ഇവരുടെ സ്വഭാവവും അങ്ങ് മാറിക്കളയും.