સૌંદર્ય સમસ્યા

વાળમાં કલર કરવાથી પૂરો ગોર્જિયસ દેખાવા લાગે છે

- ડો. ભારતી તનેજા

મારી ઉંમર ૨૨ વર્ષ છે અને મને મેકઅપ કરવાનો ખૂબ શોખ છે, પરંતુ મારી સમજમાં નથી આવતું કે બ્લશર લગાવતી વખતે હું કઈ વાતનું ધ્યાન રાખું કે હું વધારે સુંદર મેકઅપ કરી શકું?

બ્લશર લગાવતી વખતે તમારે તમારા સ્કિનટોનનું ખાસ ધ્યાન રાખવું જોઈએ. જો તમારી સ્કિન ગુલાબી ટોનની હોય તો પિંક કલરના બ્લશરનો તમે ઉપયોગ કરી શકો છો. જો સ્કિન સામાન્ય પીળાશ પડતી હોય તો પીચ કલરનો ઉપયોગ કરી શકો છો. આ જ રીતે ઘઉંવર્ણ રંગની અથવા ઘેરી હોય તો પીચી બ્રાઉન કલરનો ઉપયોગ કરી શકો છો. આમ કરવાથી તમે હંમેશાં સુંદર દેખાશો.

હું ૨૪ વર્ષની યુવતી છું. મારા નખ પીળા દેખાય છે. મારે પૂરો સમય તેની પર નેલ પેઈન્ટ લગાવીને રાખવો પડે છે. મારા નેલ્સ શરૂઆતમાં ઓછા પીળા દેખાતા હતા, પરંતુ હવે ખૂબ ઘેરા પીળા થઈ ગયા છે અને ખૂબ ખરાબ દેખાવા લાગ્યા છે. હવે તેનો સ્વાભાવિક રંગ કેવી રીતે પરત લાવી શકાય છે?

શરીરમાં કેમિકલ્સ અને ફોસ્ફરસની ઊણપના લીધે નખ પીળા પડી જાય છે. જો તમે ખોરાકમાં દૂધ ઓછું લેતા હોય તો તેનું પ્રમાણ વધારો. શક્ય હોય તો જ ૧ ઈડું જરૂર ખાઓ. તમે કેલ્શિયમયુક્ત આહારનું સેવન યોગ્ય રીતે કરી રહ્યા હોય તો તમારે વિટામિન ડીનું પણ યોગ્ય સેવન કરવું પડશે. શરીરમાં કેલ્શિયમની સાથે વિટામિન-ડી લેવું પણ જરૂરી છે. નખની પીળાશ વધી રહી હોય તો કોઈ સારી ક્વોલિટીના નેલ પેઈન્ટ યૂઝ કરો. ખરાબ નેલ પેઈન્ટ નખ પર પોતાનો કલર છોડી દે છે અને થોડા સમય પછી નેલ યલો થવા લાગે છે. તમે કોશિશ કરો કે નેલ પેઈન્ટ લગાવતા પહેલાં બેઝ કોટ જરૂર લગાવો. તેનાથી નેલ પેઈન્ટનો કલર નખ પર નહીં આવે.