ఆరోగ్యాన్ని హరిస్తున్న హైఫై టెక్నాలజీ

గ్రామీణ స్త్రీలతో పోలిస్తే, నగరాల్లోని  స్త్రీలు అందంగా, ఆకర్షణీయంగా కనిపిస్తారు.

- · నసీమ్ అన్సారీ కోచర్ •

ప్రతి రోజూ ఉపయోగించే ఈ వస్తువులు మీ ఆరోగ్యానికి హాని కలిగిస్తాయని మీకు తెలుసా?

గ్రామీణ స్త్రీలతో పోలిస్తే, నగరాల్లోని  స్త్రీలు అందంగా, ఆకర్షణీయంగా కనిపిస్తారు. వారి చర్మం శుభ్రంగా మెరుస్తూ నిగనిగలాడుతుంటుంది.దీనికి కారణం గ్రామాల్లో బ్యూటీ పార్లర్ సౌకర్యం, కాస్మెటిక్స్ వాడకం వారికి అందుబాటులో లేకపోవడం. కానీ నగర స్త్రీల శారీరక బలం, రోగనిరోధకశక్తిని గ్రామీణ స్త్రీలతో పోలిస్తే చాలా తక్కువగా ఉంటుంది.నగర మహిళలతో పోలిస్తే గ్రామీణ స్త్రీలలో వ్యాధులు తక్కువగా ఉంటాయి.వారిలో పెద్ద వ్యాధి అంటే డెలివరీ లేదా పీరియడ్స్ కి సంబంధించినదై ఉంటుంది.సాధారణ జలుబు దగ్గులను కషాయం లాంటి ఇంటి చిట్కాలతో బాగు చేసుకుంటారు.కానీ నగరాల్లో స్త్రీలు ఒత్తిడి, బీపీ, శ్వాస తీసుకోవడంలో ఇబ్బంది, గుండె జబ్బులు, ' ఆర్థరైటిస్, స్కిన్ ప్రాబ్లమ్, జుట్టు రాలడం, డిప్రెషన్ లాంటి పలు సమస్యలను ఎదుర్కొంటారు. ఇది వారి రోజు వారీ జీవితాన్ని చిన్నాభిన్నం చేస్తోంది.

రాధిక ఒక మధ్య తరగతి కుటుంబానికి చెందిన కోడలు. 29 సంవత్సరాలు ఉంటుంది. పెళ్ళై ఆరేళ్లయ్యింది. ఆమె నాలుగేళ్ల కొడుకు స్కూలుకు వెళ్తున్నాడు. ఇంట్లో తినడానికి తాగడానికి ఎలాంటి ఇబ్బంది లేదు. సంపన్న కుటుంబం. ఒక పనిమనిషి వారింట్లో ఉంది.

గడచిన రెండు నెలలుగా రాధిక ఫ్లోర్ మెట్లు ఎక్కుతుంటే ఆమె శ్వాస పెరగసాగింది.ఫ్లోర్ పైకి వెళ్లగానే గుండె చప్పుడు మరింత పెరిగేది. గొంతు ఎండిపోయేది. బరువు చెక్ చేసుకుంటే ఇంతకు ముందుకంటే 10 కిలోలు పెరిగింది. రాధిక కంగారు పడింది.ఆమె శ్వాస పెరగడానికి కారణం పెరిగిన బరువే. దీన్ని ఎలాగైనా సరే తగ్గించుకోవాలని రాధిక పనిమనిషిని తీసేసింది. ఇప్పుడు ఇల్లు శుభ్రం చేయడం, పాత్రలు కడగడం తనే చేసుకుంటాననుకుంది. దీంతో బరువు తగ్గుతుంది. ప్రతి రోజూ తనకు వ్యాయామమూ అవుతుందని భావించింది.

మెషిన్ల సహాయంతో జీవితం

రాధిక తెల్లవారుజామున లేచి ಇಲ್ಲು ఊడ్వసాగింది. కానీ ఆమెకు అదంత సులభం కాలేదు. . ఇల్లంతా ఊడ్చేసరికి 15 నిమిషాలు పట్టింది. కానీ ఈ 15 నిమిషాల్లో వంగి వంగి ఆమెకు నడుము నొప్పి వచ్చింది. పనిమనిషి హాయిగా కూర్చుని ఫ్లోర్ క్లీనింగ్ చేస్తున్నట్లుగా ఆమె కూర్చోలేకపోయింది. నిలబడే తుడిచింది. అరగంట పని తర్వాత అలసిపోయి మంచంపై పడుకుంది. ఆ రోజు బ్రేక్ఫాస్ట్, లంచి వాళ్ల అత్తయ్య తయారుచేసింది.