முதுகு வலி அவதிகள்?

இன்று பலரையும் பாடாய்படுத்தும் ஒரு விஷயம் முதுகுவலிதான். 40 வயது தாண்டினாலே இதுபோன்ற தொந்தரவுகள் ஏற்படுவது சர்வசாதாரணமாகி விட்டது. அதற்கு காரணம் வாழ்க்கைமுறை மாற்றம் என்றால் மிகையில்லை. எனவே அதன் தாக்கம் ஏன் எப்படி என்று அறிவதுடன் தடுப்பு முறைகளையும் பின்பற்ற வேண்டும்

- எஸ். ரவீந்திரன்

கடந்த 2021-22 ஆம் ஆண்டு ஆய்வின் அடிப்படையில் முதுகுவலி வயது முதிர்ந்த மக்கள் மத்தியில் பரவலாக உள்ளது. உலகின் பெரியவர்களில் 23% பேர் நாள்பட்ட குறைந்த முதுகுவலியால் பாதிக்கப்படுவதாக சில ஆய்வுகள் தெரிவிக்கின்றன.

இந்த புள்ளி விவரம் மக்கள்தொகையில் 24% முதல் 80% என்ற அளவில் உள்ளது. இது வாழ்நாள் முழுவதும் பரவும் பிரச்சினை எனலாம். அதன்படி வயதுவந்த மக்கள்தொகையில் 84% வரை முதுகு வலி அதிகமாக உள்ளது.

கடந்த 2015-இல் உலகளவில் 60.1 மில்லியன்பேர் வரை ஊனத்துடன் வாழ்ந்ததற்கு முதுகுவலியே காரணம் என்று கடந்த 2015 இல் ஒரு ஆய்வு கண்டறிந்துள்ளது.

ஒரு ஆய்வு, முதுகுவலியின் பாதிப்பு 12 வயது உடையவர்களுக்கு தோராயமாக 1% மற்றும் 15 வயதுடையவர்களுக்கு 5% என்று நிரூபித்தது. பெண்களுக்கு 18 வயதிற்குள் 50% என்றும் முதுகுவலியால் பாதிக்கப்பட்ட இளம் பருவத்தினரின் வருடாந்திர விகிதம் 11.8% முதல் 33% வரை இருப்பதை நிரூபித்துள்ளது.