காபி சாப்டீங்களா அண்ணா?

சென்ற மாத இறுதியில் வெவ்வேறு துறைகளைச் சேர்ந்த ஐந்து நண்பர்கள் 60 வயதை நிறைவு செய்ததால் பணியிலிருந்து ஓய்வு பெற்றனர். மருத்துவம் மற்றும் அதனுடன் நெருங்கிய தொடர்பில் இருக்கும் பல துறையினருக்கு பணிக்காலம் மிகுந்த மன அழுத்தம் உடையதாகவே இருக்கிறது.

- டாக்டர் அகிலாண்ட பாரதி

58 வயதாக இருந்த தமிழக அரசு ஊழியர்களின் ஓய்வு பெறும் வயது பெருந்தொற்று காலத்தில் 60 வயதாக உயர்த்தப்பட்டதால் எனக்குத் தெரிந்த பலர், எப்போதடா அறுபது முடியும், வீட்டுக்கு போவோம் என்று காத்துக் கொண்டிருந்தனர்.

எனவே பணி ஓய்வை ஆவலுடன் எதிர்பார்த்தனர் ஐந்து நண்பர்களும். நிச்சயமாகத் தங்களின் விழாவிற்குத் தான் வர வேண்டும் என்று அன்புக் கட்டளையிட்டனர். நானும் என்னுடைய இன்னொரு தோழியும் அதில் எல்லா விழாக்களிலும் கலந்து கொண்டு நண்பர்களை வாழ்த்தினாலும் ஒருவரின் விழாவில் தான் உணவருந்த வேண்டும் என்று முடிவு செய்தோம்.

ஏனென்றால் நண்பருடைய முன்வரலாறு அப்படி. விருந்து உபசாரத்துக்குப் பெயர் பெற்றவர் அவர். பார்க்கும் நேரம் எல்லாம், "சாப்டீங்களா மேடம்?” என்று தான் முதலில் கேட்பார். நேரத்திற்குத் தகுந்தவாறு, "டீ வாங்கிட்டு வரவா?", "வடை சாப்பிடுறீங்களா?'' ''வெயில் ஜாஸ்தியா இருக்கே.. ஒரு இளநீர் கொண்டு வரச்சொல்லவா?" என்று என்னை மட்டுமல்லாது மற்றவர்களையும் உபசரிப்பதே அவருடைய அடையாளம்.

நாங்கள் கூட இலகுவான மனநிலையில் இருக்கும்போது அவர் தூரத்தில் வருவதைக் கண்டாலே, "வந்துட்டாருய்யா, வந்துட்டாரு! காப்பி சாப்டீங்களாண்ணா? டீ சாப்டீங்களாண்ணா?ன்னு இப்ப கேப்பாரு பாருங்க" என்று கேலி செய்வோம்.

நாங்கள் கூட இலகுவான மனநிலையில் இருக்கும்போது அவர் தூரத்தில் வருவதைக் கண்டாலே, "வந்துட்டாருய்யா, வந்துட்டாரு! காப்பி சாப்டீங்களாண்ணா? டீ சாப்டீங்களாண்ணா?ன்னு இப்ப கேப்பாரு பாருங்க" என்று கேலி செய்வோம்.

எப்பொழுதும் சுற்றி இருப்பவர்களின் வயிறு வாடாமல் பார்த்துக் கொள்பவர், அவரது பாராட்டு விழாவில் சாப்பிடவில்லை என்றால் வருந்துவார் என்பதால் ஐந்து நண்பர்களின் கோரிக்கைகளையும் எடை போட்டு இவருடையதை டிக் செய்தோம்.

எப்பொழுதும் சுற்றி இருப்பவர்களின் வயிறு வாடாமல் பார்த்துக் கொள்பவர், அவரது பாராட்டு விழாவில் சாப்பிடவில்லை என்றால் வருந்துவார் என்பதால் ஐந்து நண்பர்களின் கோரிக்கைகளையும் எடை போட்டு இவருடையதை டிக் செய்தோம்.