വു സെറ്റിയൻ

ഇതിഹാസത്തിലെ സ്ത്രീകൾ

- കണക്കൂർ ആർ. സുരേഷ്കുമാർ

ലോക ചരിത്രത്തിലെ പ്രശസ്ത വനിതകളിൽ പ്രധാന  സ്ഥാനമാണ് ചൈന ഭരിച്ചിരുന്ന വു സെറ്റിയന് ഉള്ളത്.  ക്രിസ്തുവർഷം 664 മുതൽ 705 വരെ ചൈനയുടെ ഭരണാധികാരിയായിരുന്ന വു ഷാവോ പല പേരുകളിലാണ് ചരിത്രത്തിൽ രേഖപ്പെടുത്തപ്പെട്ടിരുന്നത്. അതിൽ ഏറെ പ്രസിദ്ധമായത് വു സെറ്റിയൻ എന്ന നാമധേയമാണ്. ചൈനയുടെ ചരിത്രത്തിൽ നിയമാനുസൃതമായി ചക്രവർത്തി പദവിയിൽ ഭരണം നടത്തിയ ഏക വനിതാ ഭരണാധികാരിയായി അവളെ ചരിത്രം കണക്കാക്കുന്നു.

665 മുതൽ 690 വരെ മറ്റുള്ളവരെ മുന്നിൽ നിർത്തിയും 690 മുതൽ നേരിട്ടും അവർ ചൈനീസ് സാമ്രാജ്യം ഭരിച്ചു. 665-ൽ അവർ ഗാവോസോങ് ചക്രവർത്തിയുടെ ഭാര്യയായി. ഗാവോസോങ് ചക്രവർത്തി മരിച്ചപ്പോൾ മക്കളെ ചക്രവർത്തിമാരായി മുന്നിൽ നിർത്തി റീജന്റായാണ് വു സെറ്റിയൻ രാജ്യം ഭരിച്ചത്. 40 വർഷക്കാലത്തെ അവളുടെ അതിശക്തമായ ഭരണകാലത്ത് ചൈന ലോകത്തിലെ വലിയ ശക്തിയായി വളർന്നു.