അമ്മയും മകളും

കാലവും കാലഘട്ടവും മാറുമ്പോൾ...?

- മഞ്ജുകൃഷ്ണൻ

അമ്മമാർക്ക് എപ്പോഴും പെൺമക്കളോടാണ് സ്നേഹമെന്ന് പറഞ്ഞുകേൾക്കാറുണ്ട്. പെൺമക്കൾ വളർന്നുവന്നുകഴിഞ്ഞാൽ അമ്മയും മകളും പിന്നെ കൂട്ടുകാരെപ്പോലെയാണെന്നൊരു ചൊല്ലുമുണ്ട്.

കാലഘട്ടം മാറുന്നതിനനുസരിച്ച് ഈ പറയുന്ന സ്നേഹബന്ധങ്ങൾക്കും ആത്മബന്ധങ്ങൾക്കും ഒക്കെ ചില മാറ്റങ്ങൾ സംഭവിക്കുന്നത് സാധാരണമായി കഴിഞ്ഞിരിക്കുന്നു.

ന്യൂജനറേഷനിലുള്ള പെൺകുട്ടികൾ അമ്മമാരോട് പെരുമാറുന്നതിലും അമ്മമാർ അവരോട് പെരുമാറുന്നതിലുമെല്ലാം ചില മാറ്റങ്ങൾ അവരറിയാതെ സംഭവിച്ചു കൊണ്ടിരിക്കുകയാണ്. അമ്മമാർ അവരുടെ കണ്ണും കാതും ശബ്ദവും എല്ലാം പെൺമക്കളുടെ മനസ്സിന്റെ പുറകെ എന്ന പോലെ പിൻതുടരുന്നുണ്ടെങ്കിലും ചില വേളകളിൽ പ്രതീക്ഷിക്കാത്തത് സംഭവിക്കുന്നു. അതിന്റെ കാരണങ്ങൾ എന്തായിരിക്കും? പെൺകുട്ടികൾക്ക് നേരെ പുരു ഷന്മാരുടെ ആക്രമണം, പെൺകുട്ടികൾ വഴി തെറ്റിപ്പോകുന്നു എന്നിങ്ങനെയുള്ള പരാതികൾ സമീപകാലത്ത് കൂടിവരികയാണല്ലോ.