ஒரே பள்ளியில் வாழ்க்கைக்கான பாடங்களை சொல்லித் தரவேண்டும்!

பெண்கள் படிக்கிறார்கள், சுயமாக சிந்திக்கிறார்கள், வேலைக்குச் செல்கிறார்கள் என்று நாம் சொன்னாலும், இன்றும் சில பெண்கள் தங்களின் கூட்டுக்குள் இருந்து வெளியே வருவதற்கான வாய்ப்பு கிடைக்காமல் தான் இருக்கிறார்கள்.

அப்படிப்பட்ட பெண்களும் சுயமாக சம்பாதிக்க வேண்டும் என்ப தற்காகவே பயிற்சி மையம் ஒன்றை துவங்கியுள்ளார் சென்னையைச் சேர்ந்த ஸ்ரீத்திகா. சென்னை மட்டுமில்லா மல் தமிழகம் முழுவதும் பல இடங் களில் இயங்கி வரும் இவரின் ஸ்ரீபாலாஜி தொழில் திறன் மேம் பாட்டு பயிற்சி மையத்தில்' பெண்களுக்கு ஸ்ரீத்திகா என 300க்கும் மேற்பட்ட பயிற்சிகள் அளிக் கப்படுகிறது. “தொழில் முனைவோர்களாக மட்டுமில்லாமல், ஒரு நல்ல நிறுவனத்தில் வேலை செய்யும் அளவிற்கு இவர்களின் திறனை வளர்க்க வேண்டும் என்பதுதான் என்னுடைய நோக்கம்” என்கிறார் ஸ்ரீத்திகா.

"நான் ஜர்னலிசம் மாணவி. படிப்பு முடிச்சிட்டு ஊடகத்துறையில் வேலை பார்த்து வந்தேன். தூர்தர்ஷனில் செய்தி வாசிப்பாளராக மட்டுமில்லாமல் கிராபிக் டிசைனராகவும் வேலை பார்த்தேன். திரு மணமானதும் நாங்க வீடு வாங்கி வேறு ஒரு இடத்திற்கு சென்றோம். அந்தப் பகுதி யில் வசிக்கும் பெண்கள் பலருக்கு அங்கு வேலை வாய்ப்பு என்று எதுவுமே இல்லை. மேலும் அவர்களுக்கு அதற்கான பயிற்சி மையங்களும் இல்லை என்பதை தெரிந்து கொண்டேன். அந்தப் பெண்களுக்கு ஏதா வது ஒரு வகையில் உதவி செய்ய வேண்டும் என்று விரும்பினேன். அவர்களும் சுயமாக சம்பாதிக்க வழிவகுத்து தந்தால் என்ன என்று தோன்றியது. அந்த எண்ணத்தின் விதைதான் என்னுடைய இந்தப் பயிற்சி மையம்.

தனக்கான சம்பாத்தியம் வேண்டும் என்று பெண்கள் எண்ணுகிறார்கள். அதில் ஒரு சிலர் படித்துவிட்டு வேலைக்கு செல்கிறார்கள். ஆனால் கல்யாணமான தும் பலர் வீடு, குடும்பம் என்று தங்க ளின் வாழ்க்கையை நகர்த்தி விடுகிறார் கள். அவர்களால் வெளியே சென்று வேலைக்குச் செல்ல முடியாது என்றா லும், இது போன்ற தொழில் திறன்களில் ஏதாவது ஒன்று பயின்று வீட்டில் இருந்த படியே சம்பாதிக்கலாம் என்ற சிந்தனை யில்தான் 2014ம் ஆண்டு பயிற்சி மையத்தை ஆரம்பிச்சேன்.