ഇന്ത പയ്യനെ എങ്കയോ പാത്തമാതിരി...

'മഞ്ഞുമ്മൽ ബോയ്സി'ൽ ചന്തു സലിംകുമാറിനെ കണ്ടപ്പോൾ രജനികാന്ത് പറഞ്ഞതാണ് വാചകം

- വി. ആർ. ജ്യോതിഷ്

വിട്ടിൽ ഒരു ദിനം

ആൾ ദ് സൺസ് ആർ മാത്തമറ്റിക്സ്' (എല്ലാ മക്കളും കണക്കാണ് വടക്കൻ പറവൂരിലെ ലാഫിങ് വില്ലയിലിരുന്നു സലിം കുമാർ ആദ്യനിറയൊഴിച്ചു. പിന്നെ, റീൽസിലും ട്രോളിലും നിറയുന്ന ചിരിയുടെ സലിം മുഴക്കം.

"മഞ്ഞുമ്മൽ ബോയ്സി'ലൂടെ താരമായി മാറിയ മകൻ ചന്തുവിനൊപ്പം വനിതയോടു വിശേഷങ്ങൾ പങ്കുവയ്ക്കാൻ തുടങ്ങിയതിങ്ങനെ. “മുജന്മ ശത്രുക്കളാണ് ഈ ജന്മത്തിലെ മക്കളെന്നു പറയാൻ ഞാൻ തയാറല്ല. അതുകൊണ്ട് ഒപ്പമിരുത്തിയൊക്കെ സംസാരിക്കാം.'' സലിംകുമാർ സംഭാഷണത്തിനു തുടക്കമിട്ടു.

“ചന്തുവിന് അന്നു മൂന്നു വയസ്സ്. ഞാൻ സിനിമയിൽ അഭിനയിച്ചു തുടങ്ങിയ സമയം. നാദിർഷയുടെ "ഉണക്കചെമ്മീൻ' എന്ന ടെലിഫിലിമിൽ എനിക്കാണ് മുഖ്യവേഷം. അതിലൊരു കൊച്ചുപയ്യനെ വേണം. ചന്തുവിനെ വിളിച്ചാലോ എന്നാണ് ആലോചന.

ഞാൻ സംശയിച്ചു നിന്നു. “ഒന്നുമില്ലേലും നിന്റെ മോനല്ലേ, എന്തേലും ചെയ്യാനൊക്കെ അറിയാമായിരിക്കും. 'നാദിർഷ പ്രോത്സാഹിപ്പിച്ചു.

മടിച്ചു മടിച്ച് ഞാൻ പറഞ്ഞു. " അവൻ ജയനെയൊക്കെ അനുകരിക്കും.'. നാദിർഷ ആവേശത്തോടെ പറഞ്ഞു. "വിളിക്ക്, ചന്തുവിനെ വിളിക്ക്'. അതനുസരിച്ച് ഞാൻ വീട്ടിലേക്കു വിളിച്ചു പറഞ്ഞു. ഒരു ടെംപോ ട്രാവലറിൽ ബാലനടനാകാൻ ചന്തു എത്തി. മേക്കപ് വേണമെന്നു നാദിർഷ പറഞ്ഞു. മോനെ മേക്കപ് ചെയ്യുന്നിടത്തേക്കു വിട്ടു. അഞ്ചുമിനിറ്റ് കഴിഞ്ഞപ്പോൾ അവിടെ നിന്നു പൊട്ടലും ചീറ്റലുമൊക്കെ കേൾക്കുന്നു. മേക്കപ്മാൻ ചാടി പുറത്തു നിൽക്കുന്നു.

ഞങ്ങൾ സ്ഥലത്തെത്തി. പ്രശ്നം ഒരു വള്ളി നിക്കറാണ്. ഇവനോടു വള്ളിനിക്കറിടാൻ പറഞ്ഞു; ഇവൻ അന്നേ വരെ ആ സാധനം കണ്ടിട്ടില്ല. അതിന്റെ വള്ളി കയറാണെന്നും അതിൽ ഇവനെ കെട്ടിത്തൂക്കും എന്നൊക്കെ പേടിച്ചു.

ചന്തു. അതുമാത്രമല്ല ഡയലോഗും പ്രശ്നമായിരുന്നു. അച്ഛനെ എടാ' എന്നു വിളിക്കാനാണ് ആദ്യം പറഞ്ഞു തന്നത്. അതുകേട്ടപ്പോൾ എന്റെ കൺട്രോൾ പോയി. അങ്ങനെയാണ് അക്രമാസക്തനായത്.