ഇന്നസെന്റ് എന്ന ആത്മവിശ്വാസം

അക്കാദമിക വിദ്യാഭ്യാസവും സർഗശേ ഷിയും തമ്മിൽ യാതൊരു ബന്ധവുമില്ലെന്ന് തന്റെ ജീവിതത്തിലൂടെ തെളിയിച്ച പ്രതിഭാശാലിയായിരുന്നു ഇന്നസെന്റ്.

- അഡ്വ.വി.എസ്. സുനിൽകുമാർ

അക്കാദമിക വിദ്യാഭ്യാസവും സർഗശേഷിയും തമ്മിൽ യാതൊരു ബന്ധവുമില്ലെന്ന് തന്റെ ജീവിതത്തിലൂടെ തെളിയിച്ച പ്രതിഭാശാലിയായിരുന്നു ഇന്നസെന്റ്.

ഇന്നസെന്റിനെപ്പോലെയുള്ള ഒരു മനുഷ്യനെ അപൂർവമായിട്ടേ ഞാനെന്റെ ജീവിതത്തിൽ കണ്ടുമുട്ടിയിട്ടുള്ളൂ. അദ്ദേഹം അടിമുടി എല്ലാ കാര്യങ്ങളേയും നർമബോധത്തോടെ സമീപിക്കുന്ന വ്യക്തിയായിരുന്നു. ഏതു കാര്യവും വെട്ടി തുറന്ന് പറയുന്നതിനും സ്വയം ഒരു ഹാസ്യകഥാപാത്രമാക്കി തന്നെ ചിത്രീകരിക്കുന്നതിനും അദ്ദേഹത്തിന് ഒരു മടിയുമുണ്ടായിരുന്നില്ല. തന്റെ കുടുംബാംഗങ്ങളേയും ബന്ധുക്കളേയുമൊക്കെ പലപ്പോഴും ഹാസ്യാത്മകമായി ചിത്രീകരിക്കുമായിരുന്നു. അത് അദ്ദേഹം ബോധപൂർവം ചെയ്യാറുള്ള ഒരു കാര്യമായിട്ടാണ് എനിക്ക് തോന്നിയിട്ടുള്ളത്.