ഡാർട് ദൗത്യം

നവംബർ പതിനാല് ശിശു ദിനം

- പി.എം. സിദ്ധാർഥൻ

നമ്മുടെ ഭൂമിക്കടുത്തുകൂടി ഏകദേശം 35,000 ചെറിയ ഛിന്നഗ്രഹങ്ങളും വാൽനക്ഷത്രങ്ങളും സഞ്ചരിക്കുന്നുണ്ട്. അവയിലേതെങ്കിലും ഭൂമിയിൽ വന്നിടിച്ചാൽ ചിലപ്പോൾ ചില ഭൂവിഭാഗങ്ങൾ പൂർണമായും നശിച്ചു പോയേക്കാം. പതിനായിരക്കണക്കിന് ടൺ പൊടിപടലങ്ങൾ ആകാശത്തേക്കുയർന്ന് മാസങ്ങളോളമോ വർഷങ്ങളോളമോ സൂര്യനെ കാണാൻ കഴിയാതിരുന്നേക്കാം. സൂര്യ പ്രകാശം ഭൂമിയിലെത്താൻ കഴിയാതിരുന്നാൽ സസ്യലതാദികൾ പൂർണമായും നശിച്ചു പോകാം.

മുൻപ് ഒരു വലിയ ധൂമകേതു വന്നിടിച്ചിട്ടാണ് ഡൈനോസറുകൾക്ക് വംശനാശം വന്നതെന്നാണ് അനുമാനിക്കുന്നത്. അക്കാലത്ത് മനുഷ്യർ ഉണ്ടായിരുന്നില്ല. ഇപ്പോൾ അങ്ങനെ സംഭവിച്ചാൽ ഒരു വലിയ പ്രദേശത്തുള്ള ജനങ്ങൾക്കെല്ലാം ജീവനാശം സംഭവിച്ചേക്കാം.