മാട്ടീർ ഗൊഡോ മാഖാ മാനുഷ് മണ്ണിന്റെ മണമുള്ള ജനങ്ങൾ

ബംഗാളിന്റെ ചരിത്ര നിമിഷങ്ങളിലൂടെ ഒരു യാത്ര

"മണ്ണാണ് നമ്മുടെ ജീവൻ. മറ്റെന്ത് നഷ്ടമാ യാലും പോട്ടെ, നഷ്ടമാകുന്നത് മണ്ണാണങ്കിൽ ഉണർന്നെണീറ്റോളണം. സാരോപദേശത്തിലവസാനിക്കുന്ന ഇങ്ങനെ ഒരു നാടോടിക്കഥയുണ്ട് ബംഗാളിയിൽ.

എങ്ങനെയാവും ഇത്തരമൊരു ആഹ്വാനത്തിലേക്ക് ആ പഴയ ജനഭാവന എത്തിയത്? പല സാധ്യതകളുണ്ട്. അതിലൊന്ന് കൊടിയ ദുരന്തങ്ങൾ സഹിച്ചതുകൊണ്ട് അതിനെ പ്രതിരോധിക്കാനായി ഉണ്ടായതാവാം. മറ്റൊന്ന് സ്വന്തം മണ്ണ് നഷ്ടപ്പെടുന്നത് അവർ കൺമുന്നിൽ കണ്ട് സൃഷ്ടിച്ചതാവാം. പിന്നെ കാർഷികതയാണ് സംസ്കാരത്തിന്റെ അടിസ്ഥാനമെന്ന് കൃത്യമായ ധാരണയും ആവാം.

ഏതായാലും, ആ സാരോപദേശം വംഗ നാട്ടിലെ ഓരോ കർഷകന്റേയും ഉള്ളിലുണ്ട്. അതൊരു നാടോടിക്കഥയല്ല അവർക്ക്. ഭൂമി പടുത്തവൻ, ബംഗാളിലെ മണ്ണിനുള്ളിൽ കർഷകന്റെ പൊന്നു നൽകിയാണ് സൃഷ്ടിച്ച ത്. സമതലങ്ങളും മലനിരകളും ഫലഭൂയിഷ്ഠഭൂമിയും തുരുത്തുപോലെ പീഠഭൂമിയും ഇടയിലൂടെ മഹാനദികളും നിറഞ്ഞ മണ്ണ്. അതെപ്പോഴും യുവതയിലായിരുന്നു. മണ്ണിനുമുണ്ട് ജീവിതങ്ങൾ. അത് ധാന്യങ്ങൾ വിളയിക്കാൻ കാത്തു കാത്തിരിക്കുന്നു.