എന്റെ കഥകളുടെ കഥ

വഴിവിളക്കുകൾ

- വിനോയ് തോമസ്

പണ്ട് ബൈബിളൊഴിച്ച് വേറെ പുസ്തകങ്ങൾ ഒന്നുമില്ലാത്ത വീടായിരുന്നു എന്റേത്. അതുകൊണ്ട് വായിക്കുക എന്നത് ഒരാവശ്യവുമില്ലാത്ത പണിയാണെന്നാണ് എന്റെ വീട്ടിലുള്ള എല്ലാവരും വിചാരിച്ചിരുന്നത്. പിന്നീട് ഞാൻ യു പി സ്കൂളിൽ പഠിക്കുന്ന കാലത്ത് ഒരു അച്ചൻ പള്ളിയിൽനിന്നു പഴയ ബൈബിൾ ചിത്രകഥകൾ തരുമായിരുന്നു. അത് വായിക്കാനാണ് ഞാൻ അക്ഷരം പഠിച്ചത്. വായന രസമുള്ള പരിപാടിയാണല്ലോ എന്ന് എനിക്കപ്പോൾ തോന്നി.