ഭാരം കുറയ്ക്കാൻ മുന്നൊരുക്കം വേണം

 ഭാരം കുറയ്ക്കുന്നതിന് വ്യായാമവും ഭക്ഷണ ക്രമീകരണവും തുടങ്ങുന്നതിന് മുൻപ് ആരോഗ്യപരിശോധനകൾ നടത്തണം

- ഡോ.ശ്രീജിത്ത് പി.എൻ. അസോസിയറ്റ്പ്രൊഫസർ ജനറൽമെഡിസിൻവിഭാഗം ഗവ.മെഡിക്കൽകോളേജ്, മഞ്ചേരി

ശരീരഭാരം കുറയ്ക്കുമ്പോൾ രൂപത്തിൽ മാത്രമല്ല ആന്തരാവയവങ്ങളുടെ പ്രവർത്തനത്തിലും ശരീരത്തിന്റെ ജലാംശത്തിലും ലവണങ്ങളുടെ നിലയിലുമെല്ലാം മാറ്റങ്ങൾ ഉണ്ടാകും. എന്നാൽ ആരോഗ്യകരമായ രീതിയിലായിരിക്കണം ഈ മാറ്റങ്ങളെല്ലാം. അതുകൊണ്ട് വളരെ ശ്രദ്ധയോടെയായിരിക്കണം ശരീരഭാരം കുറയ്ക്കേണ്ടത്.

ഉയരത്തിനനുസരിച്ചുള്ള ഭാരമാണ് ഒരാളുടെ ആരോഗ്യകരമായ ഭാരമായി പൊതുവേ കണക്കാക്കുന്നത്. അതുകൊണ്ട് ഇത് ഓരോരുത്തരിലും വ്യത്യസ്തമായിരിക്കും. ബി.എം .ഐ. (ബോഡി മാസ് ഇൻക്സ്) എന്ന അളവുകോലാണ് അമിത ഭാരമുണ്ടോ എന്നറിയാൻ പ്രധാനമായും ഉപയോഗിക്കുന്നത്.

ഭാരം കുറയ്ക്കും മുൻപ്

ആരോഗ്യത്തെ ബാധിക്കാത്ത തരത്തിൽ വേണം ഭാരം കുറയ്ക്കാൻ. അല്ലെങ്കിൽ ശരീരത്തിന്റെ പ്രവർത്തനങ്ങൾ താളം തെറ്റാൻ ഇടയുണ്ട്. അതിനാൽ ഭാരം കുറയ്ക്കാൻ ആഗ്രഹിക്കുന്നവർ ഇക്കാര്യങ്ങൾ ചെയ്യണം.

ഡോക്ടറെ കാണുക

ഭാരം കുറയ്ക്കാൻ തയ്യാറെടുക്കുമ്പോൾ   ഡോക്ടറെ കാണുക. ഡോക്ടറുടെ നിർദേശപ്രകാരം ക്കുമ്പോൾവേണം ശരീരഭാരം കുറയ്ക്കാനുള്ള ഡയറ്റും വർക്ക് ഔട്ടും തയ്യാറാക്കേണ്ടത്. ചില ആരോഗ്യപ്രശ്നങ്ങൾ, ചില മരുന്നുകൾ എന്നിവ ഭാരം കൂട്ടാറുണ്ട്. ഇവ പരിഗണിച്ചില്ലെങ്കിൽ ഭാരം കുറയ്ക്കാനുള്ള ശ്രമം പരാജയപ്പെടാനിടയുണ്ട്.

ഭാരം കൂട്ടുന്ന ചില രോഗങ്ങൾ: ഹൈപ്പോതൈറോയ്ഡി സം, പോളിസിസ്റ്റിക് ഒവേറിയൻ ഡിസീസ് (പി.സി.ഒ.ഡി.), ഒബ്സ്ട്രക്റ്റീവ് സ്ലീപ് അപ്നിയ (നിദ്രാവൈകല്യങ്ങൾ, പ്രമേഹം, സ്റ്റിറോയ്ഡ് ഹോർമോണുകളു ടെ അമിത ഉത്പാദനം (കുഷിങ് സിൻഡ്രോം) തുടങ്ങിയവ ഭാരം കൂട്ടാൻ ഇടയാക്കാറുണ്ട്.

ഭാരം കൂട്ടുന്ന ചില മരുന്നുകൾ: ചില മരുന്നുകളുടെ ഉപയോഗവും ശരീരഭാരം കൂട്ടാം. ഇൻസുലിൻ, കോർ ട്ടിക്കോസ്റ്റിറോയ്ഡുകൾ, ഹൈപ്പർടെൻഷൻ ചികിത്സയ്ക്ക് ഉപയോഗിക്കുന്ന ബീറ്റ ബ്ലോക്കറുകൾ, അപസ്മാര ചികിത്സയ്ക്കു ള്ള ചില മരുന്നുകൾ എന്നിവ ഉദാഹരണങ്ങളാണ്.

വൈദ്യപരിശോധന