സൗന്ദര്യം ആരോഗ്യത്തോടെ

പ്രായത്തെ ചെറുത്ത് നിർത്തി അനുയോജ്യമായ ശാരീരിക സൗന്ദര്യം നിലനിർത്താൻ ഒട്ടേറെ ചികിത്സാരീതികൾ ഇപ്പോൾ നിലവിലുണ്ട്. എങ്കിലും ഇവയെല്ലാം ആരോഗ്യകരമായ രീതിയിൽ ഉപയോഗിക്കാൻ ശ്രദ്ധ ആവശ്യമാണ്

- ഡോ.നന്ദിനി നായർ

ഓരോ തലമുറയ്ക്കും ഓരോ സമൂഹത്തിനും ശാരീരികസൗന്ദര്യത്തിന് ചില നിർവചനങ്ങളും മാനദണ്ഡങ്ങളും ഉണ്ടല്ലോ. സൗന്ദര്യസങ്കല്പങ്ങളിലും സൗന്ദര്യ പരിപാലനരീതിയിലും കാലാകാലങ്ങളിലായി പ്രകടമായ പല മാറ്റങ്ങളും വന്നുചേർന്നിട്ടുണ്ട് എന്നതിന് സംശയമില്ല.

പുരാതനകാലം മുതൽതന്നെ മനുഷ്യർക്ക് സൗന്ദര്യസംരക്ഷണത്തിന്റെ കാര്യത്തിൽ വളരെ ശ്രദ്ധയുണ്ടായിരുന്നു. പ്രകൃതിദത്തമായ ഔഷധക്കൂട്ടുകൾ സൗന്ദര്യവർധക വസ്തുക്കൾ ഉണ്ടാക്കാനായി ഉപയോഗിച്ചിരുന്നു. സൗന്ദര്യ സംരക്ഷണം സ്ത്രീകളിൽ മാത്രമായി ഒതുങ്ങുന്ന കാലഘട്ടമല്ല ഇന്നത്തേത്. പുരുഷന്മാരും ഇക്കാര്യത്തിൽ മുന്നിൽത്തന്നെയുണ്ട്. കൊച്ചുകു ട്ടികൾവരെ മുതിർന്നവരെ അനുകരിച്ച് ലിപ്സ്റ്റിക്കും മറ്റും ഉപയോഗിക്കുന്നു. പ്രായമേറിയവരും തങ്ങളുടെ സൗന്ദര്യ സംരക്ഷണത്തിനായി ശ്രദ്ധ കേന്ദ്രീകരിക്കുന്നുണ്ട്. സ്മാർട്ട് ലുക്കിന് വേണ്ടി എല്ലാവരും ശ്രമിക്കുന്നു. സൗന്ദര്യം ആത്മവിശ്വാസം വർധിപ്പിക്കുമെന്ന് കരുതുന്നവരും കുറവല്ല.

ചികിത്സകൾ പലവിധം

ഇന്നത്തെ തലമുറയ്ക്കു സൗന്ദര്യവർധക വസ്തുക്കളെക്കുറിച്ചും ചികിത്സയെക്കുറിച്ചുമൊക്കെ നല്ല അവബോധമുണ്ട്. തങ്ങളുടെ പ്രിയതാരങ്ങളെ അനുകരിച്ച് പല്ലും മൂക്കും താടിയുമൊക്കെ കോസ്മറ്റിക് സർജറി ചെയ്ത് സുന്ദരമാക്കാനും തയ്യാറാണ്. റൈനോപ്ലാസ്റ്റി(Rhinoplasty), സർജിക്കൽ ഫേസ് ലിഫ്റ്റ് (surgical facelift), ലിപോസക്ഷൻ(Liposecton), ടമ്മി ടക്  (Tummy Tuck) ശസ്ത്രക്രിയകൾക്കാണ് കൂടുതൽ ആവശ്യക്കാർ. സർജറി കൂടാതെ ചെയ്യാൻ സാധിക്കുന്ന ചികിത്സാരീതികൾ- നോൺ സർജിക്കൽ Goom eilano (Non Surgical Facelift), ഇൻജെക്റ്റബിൾസ് (Injectables- Botox & Fillers) ലേസർ ടോണിങ് ഇതിനൊക്കെയും ആവശ്യക്കാർ കൂടുന്നുണ്ട്.