മഞ്ഞപ്പിത്തം പ്രതിരോധമാർഗങ്ങൾ

 രോഗലക്ഷണങ്ങൾ കണ്ട് തുടങ്ങുമ്പോൾത്തന്നെ വൈദ്യനിർദേശാനുസൃതം ഔഷധങ്ങൾ സേവിക്കുന്നത് മഞ്ഞപ്പിത്തത്തിന്റെ തീവ്രത കുറയ്ക്കാൻ സഹായിക്കും

- ഡോ.കെ.ദേവീകൃഷ്ണൻ ചീഫ്സബ്എഡിറ്റർ, പ്രസിദ്ധീകരണവിഭാഗം ആര്യവൈദ്യശാല, കോട്ടയ്ക്കൽ devikrishnan @aryavaidyasala.com

ആയുർവേദത്തിൽ മഞ്ഞപ്പിത്തരോഗം കാമില' എന്ന പേരിലാണ് അറിയപ്പെടുന്നത്. ആഹാരം കഴിക്കാനുള്ള താത്പര്യം കുറഞ്ഞുവരുന്ന അവസ്ഥ എന്നതാണ് ഈ വാക്കിന്റെ അർഥം. ശരീരത്തിൽ രക്തദുഷ്ടി ഉണ്ടാക്കുന്ന ഒരു രോഗമാണിത്. ആയുർവേദസിദ്ധാന്തമനുസരിച്ച് എല്ലാ രോഗങ്ങൾക്കും കാരണമായി പറയുക വേണ്ടത്ര ദഹനശക്തി ഇല്ലാത്തതാണ്. കഴിക്കുന്ന ആഹാരം യഥാവിധി ദഹിച്ച് പചിച്ചാൽ മാത്രമേ രക്തപുഷ്ടി ഉണ്ടാവുകയുള്ളൂ. പോഷണ മൂല്യമുള്ള ആഹാരം കഴിക്കു ന്നുണ്ടെങ്കിലും ശരീരത്തിലേക്ക് ആഗിരണം ചെയ്യപ്പെട്ടാൽ മാത്രമേ എല്ലാ ധാതുക്കളും പുഷ്ടിപ്പെടുകയുള്ളൂ. ഇത് മൂലം ശരീരത്തിൽ വിവിധ ലക്ഷണങ്ങൾ പ്രകടമാകും. നടക്കുമ്പോൾ കിതപ്പ്, ക്ഷീണം, മുഖം വിളറിയപോലെ, ചെവി കൊട്ടിയടയ്ക്കുക, തൊലി വരണ്ടിരിക്കുക, ദഹനശക്തി കുറയുക, വിറയൽ, നഖം, മലം, മൂത്രം, കണ്ണ് എന്നിവയ്ക്ക് സ്വാഭാവിക നിറത്തിൽനിന്ന് മാറ്റമുണ്ടാകുക, നീര്, വയറു വീർപ്പ്. രുചി കുറയുക, വായ് കയ്പുരസമനുഭവപ്പെടുക, പുളിച്ചു തികട്ടൽ, ചുട്ടുനീറൽ, മഞ്ഞനിറം ശരീരത്തിലുണ്ടാകുക, ചുമ, ഛർദി എന്നിങ്ങനെ വിവിധ തരത്തിലുള്ള ശാരീരികാസ്വാസ്ഥ്യ ങ്ങൾ ഉണ്ടാവാറുണ്ട്. മേൽപ്പ റഞ്ഞവയിൽ ഒന്നോ രണ്ടോ ലക്ഷണങ്ങളാവും ഒരുപക്ഷേ, കൂടുതൽ കാണപ്പെടുക. ശരീ രത്തിൽ പിത്തദോഷം വർധിപ്പി ക്കുന്ന ആഹാരങ്ങൾ കൂടുതൽ എരിവ്, പുളി, ഉപ്പ് എന്നിവയുടെ ഉപയോഗം, മലിനമായ ജലം, ആഹാരം എന്നിവ ഉപയോഗിക്കാ നിടവരിക എന്നീകാരണങ്ങളാൽ അണുസംക്രമണമുണ്ടായി ഇങ്ങനെയുള്ള ഒരു വ്യക്തിക്ക് മഞ്ഞപ്പിത്തരോഗം ബാധിയ്ക്കാൻ സാധ്യതയുണ്ട്. ശരീരബലം കുറഞ്ഞവരാണ് പെട്ടെന്ന് രോഗാണു ആക്രമണത്തിന് വിധേയരാകുന്നത്. ശരീരത്തിലെ ശുദ്ധീകരണശാലയായ കരൾ നിർമിക്കുന്ന പിത്തരസം (bile) പിത്തസഞ്ചിയിൽ ശേഖരിക്കപ്പെട്ട് അവിടെ നിന്നും പിത്തനാളിക വഴി കുടലിലേക്ക് അല്പമായി എത്തുകയാണ് ചെയ്യുന്നത്.