സുഷുമ്നയെ ബാധിക്കുന്ന അസുഖങ്ങൾ

നട്ടെല്ലിനെ ബാധിക്കുന്ന അസുഖങ്ങൾ സുഷുമ്നയെയും സുഷുമ്നയെ ബാധിക്കുന്ന അസുഖങ്ങൾ തിരിച്ച് നട്ടെല്ലിനെയും ബാധിക്കാം. ഇത്തരത്തിലുള്ള പ്രശ്നങ്ങൾ തുടക്കത്തിൽ തന്നെ തിരിച്ചറിഞ്ഞ് ചികിത്സ തേടണം

ജിംനാസ്റ്റുകളെയും സർക്കസിലെ അഭ്വാസികളെയും നോക്കു. അവരുടെയെല്ലാം നട്ടെല്ലും സന്ധികളുമൊക്കെ എങ്ങനെയെല്ലാം വളയുന്നു. എന്നാൽ നട്ടെല്ലിനുള്ളിലെ പരിമിതമായ സ്ഥലത്തുകൂടി പോകുന്ന സുഷുമ്നാനാഡിയും അതിൽനിന്ന് പുറപ്പെടുന്ന മറ്റ് നാഡികളും രക്തക്കുഴലുകളും ഒക്കെ യാതൊരു പരിക്കുമില്ലാതെ അവയുടെ പ്രവർത്തനം തുടരുന്നു. ഇത്രയേറെ ചടുല ചലനങ്ങളും മറ്റും എങ്ങനെ സാധ്യമാകുന്നു എന്നത് ചിന്തിക്കാറുണ്ടോ? ഒരു ഫാസ്റ്റ് ബൗളറെ സങ്കല്പിച്ചു ഓടിവന്ന് ഒരു കാലിന്റെ പാദത്തിന്റെ മുൻഭാഗം നിലത്ത് കുത്തി ശരീരം മുഴുവനും മുന്നോട്ടാഞ്ഞ് വേഗത്തിൽ പന്തെറിയുന്നു. ബൗളർ നിലത്ത് വീഴാതെ എങ്ങനെ ബാലൻസ് നിലനിർത്തുന്നുവെന്ന് ചിന്തിച്ചിട്ടുണ്ടോ? നമ്മുടെ നട്ടെല്ലിന്റെ ആകൃതിയിലൂടെ നമ്മുടെ ശരീരത്തിന്റെ സെന്റർ ഓഫ് ഗ്രാവിറ്റി (Centre of Gravity) ക്രമീകരിച്ചിരിക്കുന്ന അത്രയും സങ്കീർണമായിട്ടാണ്. എത്ര വിസ്മയകരമാണ് ഇത്.

തിരിച്ചറിയണം അസുഖങ്ങൾ

കശേരുക്കൾ കോർത്തിണക്കിയതാണ് നട്ടെല്ല്. നട്ടെല്ലിനുള്ളിലൂടെ പോകുന്ന സുഷുമ്നയും അതിൽനിന്ന് പുറപ്പെടുന്ന നാഡികളും പരസ്പരപൂരകങ്ങളായാണ് വിന്യസിച്ചിരിക്കുന്നത്. നട്ടെല്ലിനെ ബാധിക്കുന്ന അസുഖങ്ങൾ സുഷുമ്നയെയും സുഷുമ്നയെ ബാധിക്കുന്ന അസുഖങ്ങൾ തിരിച്ച് നട്ടെല്ലിനെയും ബാധിക്കാം. ഇവയെ പലതായി തരംതിരിക്കാം.

നട്ടെല്ലിനും സുഷുമ്നയ്ക്കും ഉണ്ടാകുന്ന ക്ഷതങ്ങൾ (Trauma), culmin ക്കുണ്ടാകുന്ന തേയ്മാനവും അനുബന്ധ തകരാറുകളും (Degenerative disc problems). നട്ടെല്ലിന്റെ വൈകല്യങ്ങൾ (Deformities), വളവുകൾ (Scoliosis), കുനുകൾ (Kyphosis). അണുബാധകൾ (ബാക്ടീരിയൽ ഇൻഫെക്ഷൻ, ക്ഷയം, ഫംഗൽ ഇൻഫെക്ഷൻ തുടങ്ങിയവ. നട്ടെല്ലിലും സുഷുമ്നയിലും ഉണ്ടാകുന്ന മുഴകൾ, നട്ടെല്ലിലേക്കും സുഷുമ്നയിലേക്കും പടരുന്ന കാൻസറുകൾ, വാത സംബന്ധമായ അസുഖങ്ങൾ (റുമറ്റോയ്ഡ് ആർത്രൈറ്റിസ്, ആകൈലോസിങ് സ്പോൺ ഡിലൈറ്റിസ്),നട്ടെല്ലിന്റെ കണ്ണി തെന്നൽ  (Spondylolisthesis). മറ്റുള്ളവ ഉദാ: റിക്കെറ്റ്സ്, ഹൈപ്പർ പാരാതൈറോയിഡിസം, സ്റ്റോറേജ് ഡിസീസുകൾ തുടങ്ങിയവ.

ക്ഷതങ്ങൾ സംഭവിച്ചാൽ