തടിപ്പണി...പാളിച്ചകളില്ലാതെ

ചെലവ് കുറച്ചും ഈടുനിൽക്കുന്ന രീതിയിലും തടി ഉപയോഗിക്കാൻ ശ്രദ്ധിക്കേണ്ട കാര്യങ്ങൾ

കഴിഞ്ഞ പത്ത് വർഷത്തിനിടയിൽ തടിവില കൂടിയിട്ടില്ല. മഹാഗണിയുടേതടക്കം വില കുത്തനെ ഇടിഞ്ഞു. അതേസമയം പുതിയതായി നിർമിക്കുന്ന വീടുകളിൽ തടിയുടെ ഉപയോഗവും ഗണ്യമായി കുറഞ്ഞു. രണ്ടു കാരണങ്ങളാണ് ഈ വിരോധാഭാസത്തിനു പിന്നിൽ. പണിക്കൂലി ഇരട്ടിയിലധികമായി വർധിച്ചതും നല്ല പണിക്കാരെ കിട്ടാനില്ലാത്തതും ഒന്ന്. വീടുപണിക്ക് പണ്ടത്തെപ്പോലെ കൂടുതൽ സമയം നീക്കിവയ്ക്കാൻ ഇല്ലാത്ത തും റെഡിമെയ്ഡ് മെറ്റീരിയലുകൾ സുലഭമായ തും അടുത്തത്. 1,100-1,400 രൂപയാണ് ഇപ്പോൾ ആശാരിയുടെ പണിക്കൂലി. തടികൊണ്ട് വാതി ലും ജനലും കബോർഡുമൊക്കെ നിർമിക്കാൻ അതിന്റേതായ സമയമെടുക്കും. ബജറ്റ് നിയന്ത്രിച്ചും കുറഞ്ഞ സമയത്തിനുള്ളിലും വീടുപണി പൂർത്തിയാക്കാനാഗ്രഹിക്കുന്നവർ സ്വാഭാവികമായും മറ്റു വഴികൾ തേടും. എന്നാൽ കൃത്യമായ മുന്നൊരുക്കവും അൽപം അധ്വാനിക്കാനുള്ള മനസ്സുമുണ്ടെങ്കിൽ പണം പാഴാക്കാതെ തന്നെ വീടുനിർമാണത്തിൽ തടി പ്രയോജനപ്പെടുത്താം. ശ്രദ്ധാപൂർവം ഉപയോഗിച്ചാൽ തടിയോളം ഗുണനിലവാരമുള്ളതും ആരോഗ്യകരവുമായ നിർമാണവസ്തുക്കൾ അധികമില്ല എന്നോർക്കണം.

തടി ഉണങ്ങാൻ സമയം വേണം