ગુણવત્તાયુક્ત ફર્નિચરની ગણમાન્ય બ્રાન્ડ બની ચૂક્યું છે વાછાણી ફર્નિચર

૧૯૯૧માં તેમના પિતાએ વિજય ફર્નિચરના નામે બિઝનેસની શરૂઆત કરી હતી. ત્યારે બંને ભાઈઓ તેમના પિતાના વ્યવસાય સાથે જોડાયા હતા. મહેનત, કામ પ્રત્યેની લગન, નીતિમત્તા અને પ્રામાણિકતાથી ધંધો કરવાની નીતિને કારણે તેમના બિઝનેસની સતત પ્રગતિ થતી રહી

સક્સેસ મંત્ર

કોઈ પણ વ્યવસાયમાં સફળતા હાંસલ કરવા માટે પુરુષાર્થ અનિવાર્ય છે.

શરૂઆત

‘પંડ કમાય પેટ ભરાય, જગ કમાય તો ઘર ભરાય'..... આ કહેવતને અનુસરીને ઉત્તરોત્તર પ્રગતિ કરનારા વાછાણી બંધુઓએ આજે અમદાવાદમાં જ નહીં, પરંતુ ગુજરાતભરમાં વાછાણી ફર્નિચરને જાણીતું બનાવ્યું છે. અમદાવાદ શહેરમાં વાછાણી ફર્નિચર હવે માત્ર એક નામ નહિ, પરંતુ એક બ્રાન્ડ બની ચૂક્યું છે, જે વાછાણી ફર્નિચર પ્રાઇવેટ લિમિટેડના નામથી ગુજરાતના જુદા જુદા પ્રદેશોમાં પોતાનો ડંકો વગાડી રહ્યું છે.

એકલા હાથે કમાણી કરી પોતાનું એકલાનું પેટ ભરવામાં નહીં, પરંતુ બધાને સાથે રાખી એક સંપથી કામ કરી ઘણા બધા લોકોનું પેટ ભરવામાં માનનારા વાછાણી ફર્નિચર પ્રા. લિ.ના ડિરેક્ટર દિલીપભાઈ અને હર્ષદભાઈ પોતાના પિતાશ્રી સ્વ. મોહનભાઈ છગનભાઈ વાછાણીને ગુરુ માને છે. જીવન અને વ્યવસાયના બોધપાઠ પિતાશ્રી પાસેથી જ શીખેલા. પિતાજીએ જ તેમને શૂન્યમાંથી સર્જન કરતા શીખવ્યું હતું. સ્વ. મોહનભાઈ વાછાણી વર્ષો પહેલાં અમદાવાદમાં આવીને વસ્યા હતા. કરિયાણાની દુકાન અને પછી કાપડના ધંધામાં હાથ અજમાવ્યા બાદ તેઓ ફર્નિચરના બિઝનેસમાં આગળ વધ્યા. ૧૯૯૧માં તેમના પિતાએ વિજય ફર્નિચરના નામે બિઝનેસની શરૂઆત કરી હતી. ત્યારે બંને ભાઈઓ તેમના પિતાના વ્યવસાય સાથે જોડાયા હતા. મહેનત, કામ પ્રત્યેની લગન, નીતિમત્તા અને પ્રામાણિકતાથી ધંધો કરવાની નીતિને કારણે તેમના બિઝનેસની સતત પ્રગતિ થતી રહી.

બ્રાન્ડ