કુદરતી સૌંદર્યથી છવાયેલા છે મધ્યપ્રદેશના ભવ્યધોધ

તેથી, જો તમે ભારતના હૃદયની સફરનું આયોજન કરી રહ્યાં છો, તો મધ્યપ્રદેશના આ ધોધની મુલાકાત લેવા માટે ચોક્કસથી સમય નિકાળજો

વિવિધતાઓથી ભરેલું મધ્યપ્રદેશ એક પ્રકૃતિ-સમૃદ્ધ રાજ્ય છે. અહીંની સંસ્કૃતિ, સ્થાપત્ય અને અનન્ય હસ્તકલા રાજ્યના ભવ્ય ઇતિહાસની વાર્તા કહે છે, અને ચારે બાજુ ફેલાયેલા જંગલો, પવિત્ર નદીઓ, લીલી ખીણો અને ઘણા વિશાળ ધોધ રાજ્યને મેઘધનુષ્યના રંગોથી તરબોળ કરે છે. પહાડો અને જંગલોમાંથી ખળ-ખળ વહેતા ધોધ કોઇપણ પ્રવાસીને આરામ અને તાજગી આપવા માટે પૂરતા છે. જબલપુરમાં સ્થિત ધુઆંધાર ધોધ, ખજુરાહો પાસે રનેહ ધોધ, પંચમઢીનો બી-ફોલ, અમરકંટકમાં કપિલધારા જેવા મોહક ધોધને કારણે મધ્યપ્રદેશ ચોમાસાની ઋતુમાં પ્રવાસીઓ માટે સ્વર્ગ છે.

રનેહ ધોધ, ખજુરાહો

યુનેસ્કો વર્લ્ડ હેરિટેજ સાઇટ ખજુરાહોથી 22 કિમી દૂર આવેલ રાનેહ ધોધ કેન નદીમાંથી નીકળે છે. અહીંનું મુખ્ય આકર્ષણ ક્રિસ્ટલીય ગ્રેનાઇટ ખીણ છે જે ૫ કિમી લાંબી અને ૧૦૦ ફૂટ ઊંડી છે. પ્રાકૃતિક સૌંદર્યને કારણે આ ધોધ ચોક્કસપણે જોવા જેવો છે. ખજુરાહોમાં કુટની દ્વીપ રિસોર્ટ (૨૭ કિમી) અને એમપીટી ઝંકાર (૨૧ કિમી) અને એમપીટી પાયલ રિસોર્ટ્સ (૧૯ કિમી) ધોધની નજીકની સૌથી આરામદાયક હોટેલ્સ છે.

ધુઆંધાર ધોધ, જબલપુર