- અને હવે સ્પેસ ઇકોનોમીની બૂમ

ભારતે ત્રીજા જ પ્રયાસમાં ત્યાં ઉતરાણ કરીને બતાવ્યું. સસલાની ગતિએ નહીં, પરંતુ કાચબાની ઝડપથી એક એક ડગલું વિચારીને ભરતાં ભરતાં આ કામિયાબી હાથ લાગી

જેમ જેમ ચંદ્રયાન ત્રણના લૅન્ડરની ઐતિહાસિક સોફ્ટ લૅન્ડિંગની ઘડી નજીક આવતી ગઈ તેમ તેમ ટૅક્નોલૉજી ઉત્પાદન અને એન્જિનિયરિંગ ક્ષેત્રના ઉદ્યોગોનું યોગદાન પણ એટલું જ કારણભૂત સાબિત થયું. સોફ્ટ લૅન્ડિંગની સફળતા સાથે જ આ બધા ઉદ્યોગોમાં પણ રોકાણ કરવું જોઈએ તેવો વિચાર શેરબજારમાં રોકાણ કરતા લોકોમાં ઊભો થયો. સમજદાર રોકાણકારો આ ઐતિહાસિક ઘટનાની બજાર ઉપર કેવી અસર થઈ તેના પર ધ્યાન કેન્દ્રિત કરી રહ્યા છે. બજારના નિષ્ણાતો આ મિશનમાં યોગદાન આપનારા મુખ્ય ખેલાડીઓનું નજીકથી નિરીક્ષણ કરી રહ્યા છે. આવો, અહીં આપણે અવકાશ ક્ષેત્રમાં ભારતની ટૅનિકલ સફળતા અને સિદ્ધિઓમાં યોગદાન આપનાર અમુક કંપની વિશે જાણકારી લઈએ.

૧. ટાટા ઍલેક્સી લિમિટેડ : અવકાશયાન, એવિઓનિક્સ અને સોફ્ટવેરનો વિકાસ.

૨. લાર્સન એન્ડ ટુબ્રો લિમિટેડ : લૉન્ચ પૅડ અને ઇસરો માટે અન્ય ઇન્ફ્રા.

૩. એમ.ટી. એ.આર. ટૅક્નોલૉજિસ લિમિટેડઃ આ કંપની ઘણાં વર્ષોથી ઇસરોના રૉકેટ એન્જિન અને કોર પંપના ઉત્પાદનનું કામ કરે છે.

૪. ભારત ઇલેક્ટ્રોનિક્સ લિમિટેડઃ ભારત સરકારની આ ખૂબ જ જૂની અને અનુભવી કંપની છે. ચંદ્રયાન-૩ના ને લૉડ આ કંપનીમાં બન્યા છે.

૫. હિન્દુસ્તાન ઍરોનોટિક્સ લિમિટેડ : ચંદ્રયાન-૩નું લૅન્ડર અહીં બનેલું છે. એ ઉપરાંત સમગ્ર ઇસરોના ચંદ્રયાન અને અન્ય મિશનમાં મિકેનિકલ સપોર્ટ ઇક્વિપમેન્ટ બનાવવાનું કામ આ કંપની વર્ષોથી કરે છે.

૬. સેન્ટ્રમ ઇલેક્ટ્રોનિક્સ લિમિટેડઃ સ્પેસ ઍપ્લિકેશનમાં વપરાતી ઇલેક્ટ્રોનિક સિસ્ટમનું ડેવલપમૅન્ટ અને ઉત્પાદન કરવાનું કામ આ કંપની કરે છે.