શિયાળા દરમિયાન ફૂલછોડને કેટલું પાણી આપવું જોઇએ?

બદલાતી ઋતુની અસર જેવી રીતે મનુષ્યો પર જોવા મળે છે, એવી જ રીતે વૃક્ષો અને છોડ ઉપર પણ મોસમના પરિવર્તનની અસર જોવા મળે છે

- હેતલ ભટ્ટ

બદલાતી ઋતુની અસર જેવી રીતે મનુષ્યો પર જોવા મળે છે, એવી જ રીતે વૃક્ષો અને છોડ ઉપર પણ મોસમના પરિવર્તનની અસર જોવા મળે છે. આપણે ત્યાં ૠતુ પરિવર્તનને ચાર ભાગમાં વહેંચવામાં આવ્યું છે. વસંત, ગ્રીષ્મ, વર્ષા, શરદ, હેમંત, શિશિર. ઋતુ પ્રમાણે વૃક્ષો અને છોડને સૂર્યપ્રકાશ અને પાણીની જરૂર પડે છે. હવે આવી રહ્યો છે શિયાળો. શિયાળામાં પ્રકાશ ઓછો મળશે. પરિણામે પાણીની જરૂરિયાત ઉપર પણ ધ્યાન આપવું પડશે.

વધુ પડતી ગરમીને કારણે છોડ બળી જતા હોય છે, એવી રીતે વધુ પડતું કે જરૂર કરતાં વધુ પાણી પાવામાં આવે તો છોડને નુકસાન જતું હોય છે. પાણીનો અતિરેક છોડની વૃદ્ધિ અટકાવે છે. આમ તો હવે કૂંડામાં કાણા પાડવાની ટેકનિક પ્રચલિત બની છે. જેથી જો છોડમાં વધુ પાણી અપાઈ ગયું હોય કે વરસાદ દરમિયાન જો કૂંડામાં વધુ પાણી એકઠું થઈ ગયું હોય તો તે ડ્રેનેજ સિસ્ટમ એટલે કે કાણા વાટે બહાર નીકળી જાય.