વિઝા રિજેક્ટેડ (અમેરિકા અને આપણે)

અમેરિકાના ઇમિગ્રેશનના કાયદાની જાણકારી કેવી રીતે પ્રાપ્ત થઈ

- ડો.સુધીર શાહ

‘અભિયાન’ના વાચકો ‘વિઝાવિમર્શ’માં આ કટારના લેખક ઍડ્વોકેટ, ડૉ. સુધીર શાહના અમેરિકાના ઇમિગ્રેશન અને વિઝા વિશેના લેખો વાંચીને થોડો અચંબો તો જરૂરથી સેવતા હશે કે આ ઍડ્વોકેટ અને વળી પાછા ડૉક્ટર? એમને અમેરિકાના ઇમિગ્રેશનના કાયદાની જાણકારી કેવી રીતે પ્રાપ્ત થઈ? તેઓ શા માટે આ વિષય ઉપર લેખો લખે છે? વાચક મિત્રો, આની પાછળ એક હિસ્ટ્રી છે.

આ ડિગ્રી કટારના લેખકે ‘મુંબઈ યુનિવર્સિટી’માંથી એલએલબીની મેળવી. પછી ત્રણ વર્ષ સોલિસિટર બનવા માટે અભ્યાસ કર્યો, પણ એની પરીક્ષામાં તેઓ ઉત્તીર્ણ ન થયા. એટલે એમણે એક ઍડ્વોકેટ તરીકે પ્રેક્સિસની શરૂઆત કરી. એમનો સૌપ્રથમ કેસ હતો બોરીવલીની ક્રિમિનલ કોર્ટમાં, જે માટે એમને રૂપિયા દસનું મહેનતાણું મળ્યું હતું! ધીમે-ધીમે એમણે વકીલાતની પ્રેક્ટિસમાં ખૂબ જ પ્રગતિ સાધી અને ‘પૅ એન્ડ પાર્ક’, ‘સિફ્ટિંગ ઑફ અનિયન એન્ડ પોટેટો’ માર્કેટ ‘વાલકેશ્વરના ધોબીઘાટ’ આવા આવા ખૂબ જ અગત્યના કેસો તેઓ લડ્યા.