காற்றழுத்த தாழ்வு மண்டலம் வலுவிழந்தது வட தமிழக கடலோரத்தில் நாளை மழைக்கு வாய்ப்பு

வங்கக் கடல் காற்றழுத்த தாழ்வு மண்டலம் வலுவிழந்தது.

இது தென்மேற்கு திசையில் நகர்ந்து நாளை வட தமிழகம் மற்றும் தெற்கு ஆந்திர கடலோரப் பகுதிகளை நோக்கி நகரும் என்பதால் தமிழகத்தில், வட கடலோர மாவட்டங்களில் ஒருசில இடங்களில் கனமழை பெய்யும் என்று சென்னை வானிலை ஆய்வு மையம் தெரிவித்துள்ளது. தமிழகத்தில் வடகிழக்கு பருவமழை முடிவடைய இன்னும் ஒரு வார காலம் உள்ள நிலையில், வங்கக் கடலில் நேற்று முன்தினம் வலுப்பெற்ற காற்றழுத்த தாழ்வு மண்டலம் தற்போது வலுவிழந்த நிலையில் ஆழ்ந்த காற்றழுத்த பகுதியாக மத்திய மேற்கு வங்கக் கடல் பகுதியில் நிலை கொண்டுள்ளது.