இந்தியா, கயானா இடையே 10 ஒப்பந்தங்கள்

பிரதமர்-அதிபர் முன்னிலையில் கையொப்பம்

நைஜீரியா, பிரேஸிலை தொடர்ந்து மூன்று நாடுகள் பயணத்தின் இறுதிக்கட்டமாக கயானா வந்த பிரதமர் நரேந்திர மோடி, அந்நாட்டு அதிபர் முகமது இர்ஃபான் அலியுடன் இருதரப்பு பேச்சுவார்த்தையில் ஈடுபட்டார். அப்போது, இருநாடுகளுக்கு இடையே 10 முக்கிய ஒப்பந்தங்கள் கையொப்பமாகின.

இறுதிக்கட்ட நைஜீரியா, பிரேஸில், கயானா ஆகிய மூன்று நாடுகளுக்கு பிரதமர் மோடி 6 நாள்கள் அரசுமுறைப் பயணத்தைக் கடந்த சனிக்கிழமை தொடங்கினார்.

பயணத்தின் மாக பிரதமர் மோடி கயானாவுக்கு புதன்கிழமை வந்தடைந்தார். இதன்மூலம், கடந்த 1968ஆம் ஆண்டுக்குப் பிறகு கயானாவுக்கு வந்த முதல் இந்திய பிரதமர் என்ற பெருமை மோடிக்கு கிடைத்துள்ளது.

அதிபர் முகமது இர்ஃபான் அலி அழைப்பையேற்று கயானா வந்துள்ள பிரதமர் மோடி, அந்நாட்டு நாடாளுமன்றத்தில் உரையாற்றவுள்ளார். மேலும், இந்தியா-கரீபியன் நாடுகள் கூட்டமைப்பு உச்சிமாநாட்டிலும் அவர் பங்கேற்கவுள்ளார்.