துணைவேந்தர்கள் நியமன விவகாரம்: ஆளுநரும் அரசும் இணைந்து செயல்பட வேண்டும்

பல்கலைக்கழகங்களுக்குத் துணைவேந்தர்களை நியமிக்கும் விவகாரத்தில் மாணவர்களின் நலனைக் கருத்தில் கொண்டு ஆளுநரும் மாநில அரசும் இணைந்து செயல்பட வேண்டும் என்று அண்ணா பல்கலைக்கழக முன்னாள் துணைவேந்தர் இ.பாலகுருசாமி வலியுறுத்தியுள்ளார்.

- முன்னாள் துணைவேந்தர் இ.பாலகுருசாமி

இது குறித்து அவர் வெளியிட்டுள்ள அறிக்கையில் கூறியிருப்பதாவது: தமிழக பல்கலைக்கழகங்களுக்குத் துணைவேந்தர் தேடுதல் குழுக்களில் பல்கலைக்கழக மானியக் குழு (யுஜிசி) பிரதிநிதியைச் சேர்ப்பது தொடர்பான விஷயத்தில், மாநில அரசுக்கும் ஆளுநருக்கும் இடையில் நீண்ட காலமாக மோதல் போக்கு இருப்பது துரதிருஷ்டவசமானது.

இதன் விளைவாக பல பல்கலைக்கழகங்களில் இரண்டு ஆண்டுகளுக்கும் மேலாக துணைவேந்தர்களே இல்லை.

அத்துடன் அடுத்த ஓரிரு மாதங்களில் அநேகமாக எல்லாப் பல்கலைக்கழகங்களுக்கும் துணைவேந்தர்கள் இல்லாத நிலை ஏற்படும்.