മഴക്ക് നേരിയ ശമനം തീരാതെ കെടുതി

10 ജില്ലകളിൽ ചുവപ്പ് ജാഗ്രത പിൻവലിച്ചു മൂന്നു മരണം

തിരുവനന്തപുരം: വെള്ളപ്പൊക്ക ഭീതി വിതച്ച് കഴിഞ്ഞദിവസങ്ങളിൽ കനത്തുപെയ്ത മഴക്ക് ബുധനാഴ്ച നേരിയ ശമനം. ആലപ്പുഴ മുതൽ കണ്ണൂർ വരെ 10 ജില്ലകളിൽ പ്രഖ്യാപിച്ചിരുന്ന തീവ്രമഴ മുന്നറിയിപ്പായ ചുവപ്പ് ജാഗ്രതതോടെ പൂർണമായും പിൻവലിച്ചു. തിരുവനന്തപുരവും കൊല്ലവുമൊഴികെ ജില്ലകളിൽ വ്യാഴാഴ്ചയും ഓറഞ്ച് അലർട്ടാണ്. തിരുവനന്തപുരത്തും കൊല്ലത്തും യെല്ലോ മുന്നറിയിപ്പും വെള്ളിയാഴ്ച മുതൽ ഗണ്യമായി മഴ കുറയാൻ സാധ്യതയുണ്ടെന്ന് കാലാവസ്ഥവകുപ്പ്  അറിയിച്ചു. മഴക്ക് നേരിയ തോർച്ചയെങ്കിലും മഴക്കെടുതി തോരാതെ തുടരുകയാണ്. ബുധനാഴ്ച മൂന്ന് മരണം സ്ഥിരീകരിച്ചു.

കോട്ടയം മണർകാട് വിദ്യാർഥി അമൽ മാത്യു, കോട്ടയം മാരാംവീട് സ്വദേശി ദാസൻ (70) എന്നിവർ ബുധനാഴ്ച മുങ്ങിമരിച്ചു.