മണിപ്പുർ കൊലക്കളം

 54 മൃതദേഹങ്ങൾ കണ്ടെത്തി

മരണസംഖ്യ ഉയർന്നേക്കും ആശങ്കയുണ്ടാക്കുന്നതെന്ന് കാത്തലിക് ബിഷപ്സ് കോൺഫറൻസ് 

ഇംഫാൽ: ബുധനാഴ്ച മുതൽ ആളിക്കത്തിയ മണിപ്പൂർ കലാപത്തിൽ 54 പേരുടെ മൃതദേഹങ്ങൾ കണ്ടെത്തി. അനൗദ്യോഗിക കണക്കനുസരിച്ച് മരിച്ചവരുടെ എണ്ണം നൂറിലേറെയായി വർധിക്കാനാണ് സാധ്യത. 200ലേറെ പേർക്ക് പരിക്കുമുണ്ട്. തലസ്ഥാനമായ ഇംഫാലിലും പരിസരത്തും ശനിയാഴ്ച പൊതുവേ സമാധാനപരമായതിനാൽ കടകളും ചന്തകളും തുറന്നുപ്രവർത്തിച്ചു. കനത്ത സുരക്ഷാവലയ ത്തിലാണെങ്കിലും ജനങ്ങൾ അവശ്യസാധനങ്ങൾ വാങ്ങാനായി അങ്ങാടിയിലെത്തി. മലമ്പ്രദേശങ്ങളിൽ സ്ഥിതി ശാന്തമായിട്ടില്ല.