രാജസ്ഥാൻ റോയൽസിനും പ്ലേ ഓഫില്ല മുംബൈക്ക് ജയം

ഹൈദരാബാദിനെ തോൽപിച്ചത് എട്ട് വിക്കറ്റിന് കാമറൂൺ ഗ്രീനിന് സെഞ്ച്വറി (47 പന്തിൽ 100)

മുംബൈ: ഐ.പി.എല്ലിൽ തങ്ങളുടെ അവസാന ലീഗ് മത്സരത്തിൽ സൺറൈസേസ്സ് ഹൈദരാബാദിനെതിരെ മുംബൈ ഇന്ത്യൻസിന് എട്ട് വിക്കറ്റ് ജയം. ടോസ് നഷ്ടപ്പെട്ട് ആദ്യം ബാറ്റ് ചെയ്ത ദ് 20 ഓവറിൽ അഞ്ച് വിക്കറ്റിന് 200 റൺസെടുത്തു. മുംബൈ രണ്ട് ഓവർ ബാക്കി നിൽക്കെ രണ്ട് വിക്കറ്റിന് ലക്ഷ്യത്തിലെത്തി.

എട്ട് വീതം ഫോറും സിക്സുമടക്കം 47 പന്തിൽ 100 റൺസുമായി പുറത്താവാതെ നിന്ന കാമറുൺ ഗ്രീനാണ് വിജയശില്പി. ക്യാപ്റ്റൻ രോഹിത് ശർമ 37 പന്തിൽ 56 റൺസ് നേടി. ഹൈദരാബാദ് ബാറ്റർമാരിൽ ഓപണർമാരായ മായങ്ക് അഗർവാളും (43 പന്തിൽ 86) വിവ്രാന്ത് ശർമയും (47 പന്തിൽ 69) തിളങ്ങി.