കപ്പിലേക്ക് അടിച്ചുകേറാനുറച്ച് മഞ്ഞപ്പട

ബ്ലാസ്റ്റേഴ്സിനായി ഐ.എ സ്.എൽ കിരീടമുയർത്തുന്ന ആദ്യ ക്യാപ്റ്റനാവുകയാണ് ആഗ്രഹമെന്ന് അഡ്രിയാൻ ലൂണ

- നഹീമ പൂന്തോട്ടത്തിൽ

കൊച്ചി: കഴിഞ്ഞതെല്ലാം കഴിഞ്ഞു, ഇനിയെഴുതണം പുതിയ ചരിത്രം. അതെ, മലയാളികളുടെ സ്വന്തം മഞ്ഞപ്പടയായ കേരള ബ്ലസ്റ്റേഴ്സ് ഒരുങ്ങുകയാണ് എന്തു വന്നാലും ഇത്തവണത്തെ ഐ.എസ്.എൽ കിരീടം സ്വന്ത മാക്കാൻ. മൂന്നുതവണ ഫൈനലിലെത്തി കപ്പിനും ചുണ്ടിനുമിടയിൽ നഷ്ടപ്പെട്ട വിജയത്തിന്റെ മധുരം ഇനിയുമൊരിക്കൽകൂടി നഷ്ടപ്പെടാതിരിക്കാൻ ഏതറ്റം വരെയും പോവാനുറച്ചാണ് ടീമിന്റെ തയാറെടുപ്പുകൾ. നിലവിൽ ഡ്യൂറൻഡ് കപ്പിൽ ഗ്രൂപ് സി ചാമ്പ്യന്മാരായി ക്വാർട്ടർ ഫൈനലിലെ ത്തിയതിന്റെ സന്തോഷത്തിലും ആവേശത്തിലുമാണ് ക്ലബും കളിക്കാരും ആരാധകരുമെല്ലാം.