ഓർക്കിഡ് പൂക്കുന്നില്ലേ..ഈ രീതി പരീക്ഷിക്കു

ഓർക്കിഡുകൾക്ക് തേങ്ങാവെള്ളം നല്ലതാണ്. ഒരു ലിറ്റർ വെള്ളത്തിൽ 250 മില്ലിലിറ്റർ തേങ്ങാവെള്ളം എന്ന തോതിൽ കലക്കി ചെടിയിൽ തളിക്കണം

കേരളത്തിലെ കാലാവസ്ഥക്ക് വളരെയധികം യോജിച്ചവയാണ് ഓർക്കിഡ് കൃഷി. ഓർക്കിഡിൽ നാടൻ ഇനങ്ങളും വിദേശിയുമുണ്ട്. ഓർക്കിഡിൽ 800ൽ അധികം ജനുസ്സുകളും 35,000ത്തോളം സ്പീഷീസുകളും തിരിച്ചറിഞ്ഞിട്ടുണ്ട്. കൂടാതെ ഒരു ലക്ഷത്തിൽപരം സങ്കരയിനങ്ങളും പ്രചാരത്തിലുണ്ട്. ദീർഘകാലം വാടാതെ സൂക്ഷിക്കാവുന്ന, അന്തർദേശീയ വിപണിയിൽ വരെ നല്ല വില ലഭിക്കുന്നവയാണ് ഓർക്കിഡ് പൂക്കൾ.

ഓർക്കിഡിനെ അതിന്റെ ഇനങ്ങൾ അറിഞ്ഞു വേണം പരിപാലിക്കാൻ. പൂക്കളുടെ ഭംഗി കണ്ട് വലിയ വില നൽകി തൈകൾ വാങ്ങുകയും നടുകയും ചെയ്താൽ അവയിൽനിന്ന് പൂക്കൾ ലഭിക്കണമെന്നില്ല. വളർത്തുന്ന ഇനത്തിന്റെ പ്രത്യേകത അറിഞ്ഞില്ലെങ്കിൽ വലിയ നഷ്ടം സംഭവിക്കും. ഓർക്കിഡുകൾ വളരുന്ന സാഹചര്യത്തിന് അനു സരിച്ച് വ്യത്യസ്ത സ്വഭാവമായിരിക്കും ചെടികൾക്ക്.