ఆర్థికవృద్ధిలో..భారత్ పైపైకి..

మనదేశం వాటా 15 శాతం మెరుగుపడిన ఉపాధి అవకాశాలు హరిత ఇంధన సాధన ధ్యేయం పేపర్ లీకేజి నిందితులను కఠినంగా శిక్షిస్తాం ఆయుష్మాన్ భారత్ ఓ గేమ్ ఛేంజర్ ఉభయ సభల ప్రసంగంలో రాష్ట్రపతి ద్రౌపది ముర్ము

న్యూఢిల్లీ, జూన్ 27: ప్రపంచ ఆర్థికవృద్ధిలో భారత్ 15శాతం వాటా తో భాగస్వామి అవుతోందని, అన్ని రంగాల్లో ఉపాధి అవకాశాలు మెరుగవుతున్నాయని రాష్ట్రపతి ద్రౌపది ముర్ము అన్నారు. హరిత ఇంధన సాధన దిశగా ప్రభుత్వం పనిచేస్తోందని గ్రామీణప్రాం తాల్లో రోడ్ల విస్తరణ వేగవంతం కాగా పౌరవిమానయానరంగంలో పలు మార్పులు వచ్చాయని అన్నారు. ఈశాన్యరాష్ట్రాల అభివృద్ధికి ప్రభుత్వం అత్యధికప్రాధాన్యతనిచ్చిందని ముర్ము పేర్కొన్నారు.

ఎన్డీయే ప్రభుత్వం ఎన్నికైన తర్వాత ఉభయసభలనుద్దేశించి గురు వారం రాష్ట్రపతి ప్రసంగించారు. రాష్ట్రపతి తనప్రసంగంలో పేపర్ లీకులపైనా ప్రస్తావించారు. డిజిటల్ ఇండియా సాధనకు ప్రభుత్వం సంకల్పించిందని, బ్యాంకుల క్రెడిట్బేస్ పెంచి వాటిని బలోపేతం చేసామని, డిజిటల్ లావాదేవీలు భారీగా పెరిగాయన్నారు. సైనిక దళాల్లో స్థిరమైన సంసనకరణలు రావాలని మన దళాలు స్వయంసమృద్ధిని సాధించాయన్నారు. రక్షణరంగం ఎంతో బలోపేతం అయిందని, సైనికులకు ఒకే ర్యాంకు ఒకే పింఛన్ అమలుచేసామని, రక్షణ రంగ ఉత్పత్తుల ఎగుమతులు కూడా పెరిగాయన్నారు.