వాస్తువార్త

ఈ దోషం తీసివేస్తే....

-  సాయిశ్రీ డా॥ దంతూరి పండరినాథ్

వాస్తు విద్వాన్ సాయిశ్రీ డా॥ దంతూరి పండరినాథ్

3-2-4, కింగ్స్ వే, సికింద్రాబాద్ సెల్స్:

9885446501/9885449458

మానసిక సమస్యలతో బాధపడుతున్నాం.. అని తెలియకుండానే ఆ సమస్యతో బాధపడుతున్నటువంటివాళ్లు చాలామంది ఉన్నారు. మానసిక సమస్యల గురించి ప్రత్యేకమైనటువంటి చికిత్సలు ఉన్నాయి. చంద్రుడు మనః కారకుడు. మనసుకి చంద్రుడికి సంబంధం ఉంటుంది. మనసు స్వభావం చంచలమైనది. వాయువు ధర్మం చంచలమైనది. అందుకే వాస్తు శాస్త్రంలో వాయువ్యాన్ని మనసుని కలిపి చెప్పారు. ఉత్తరం, పడమర దిక్కులు కలిసే మూలను 'వాయువ్య మూల' అంటారు.అది 'వాయుదేవుడు' ఈ దో అధిష్టించినటువంటి చోటు కాబట్టి దాన్ని 'వాయువ్యం' అన్నారు. వాయువు స్వతంత్ర అభిలాషి. ఒకచోట ఉండదు.మనసులో కూడా ఆలోచనలు ఎప్పుడూ ఒకచోట ఉండవు. ఎవరైనా కొంచెం అర్థం కానట్టు అయోమయంగా ప్రవర్తిస్తూ వుంటే 'వీడికి ఏదో గాలి 'సోకినట్టుంది' అని పెద్దవాళ్లు అనేవాళ్లు.

కొంతమంది క్రమంగా సన్నగా తయారైపోతారు. “గాలి సోకింది కాబట్టి అనారోగ్యం చేసింది" అంటారు.కొంతమందికి మనసు శరీరం రెండు కృషించిపోతాయి. కొంత మందికి శరీరం మాత్రం కృషించిపోతుంది. కొంత మందికి మనసు మాత్రం కృషిస్తుంది. కానీ శరీరం బాగానే ఉంటుంది. మనసు కృషించిపోవటం బయటికి భౌతికంగా కనపడదు. కొంతమందికి శరీరం కృషించిపోతుంది. మనసు బాగానే ఉంటుంది. ఆ బాగుండటం అనేది విపరీతంగా ఉంటుంది.