అనువుకాని చోట అధికులమనరాదు

అది శాస్త్ర జేతవనంలో విహరిస్తున్న కాలం. ఆ భిక్షువులు అ విహరిస్తున్న సమయంలో ధర్మసభలో ఓ భిక్షువు గురించి చర్చిస్తున్నారు.

- కస్తూరి మురళీకృష్ణ

అది శాస్త్ర జేతవనంలో విహరిస్తున్న కాలం. ఆ భిక్షువులు అ విహరిస్తున్న సమయంలో ధర్మసభలో ఓ భిక్షువు గురించి చర్చిస్తున్నారు. అతడు అమిత కోపి. అతడి కోపిష్టి లక్షణం గురించి చర్చిస్తున్నారు.

ఆ సమయంలో శాస్త్ర అక్కడికి వచ్చాడు. "భిక్షువులారా, ఏం చర్చిస్తున్నారు?" అని అడిగాడు.

"భిక్షువు కోపం గురించి చర్చిస్తున్నాం” అన్నారు.

శాస్త్ర ఆ భిక్షువును

పిలిపించాడు.

“నువ్వు నిజంగా కోపిష్టివా?” అడిగాడు.

“అవును.. నేను కోపిష్టినే" సమాధానం ఇచ్చాడు ఆ భిక్షువు.

"భిక్షువులారా, అతడు ఇప్పుడే కాదు, పూర్వ జన్మలో కూడా కోపిష్టే. అందుకే శుద్ధ నాగరాజ కులంలో పుట్టిన ప్రాచీన పండితులు కూడా మూడు సంవత్సరాల పాటు మురికితో సకల దుర్గంధాలతో నిండిన పెంటకుప్పలున్నచోట జీవించాల్సి వచ్చింది" అన్నాడు శాస్త.

అక్కడ ఉన్న భిక్షువులందరికీ ఆ పూర్వ కథ తెలుసుకోవాలన్న కుతూహలం కలిగింది. ఆ పూర్వ గాథను వినిపించమని శాస్త్రను అభ్యర్థించారు.

వారి అభ్యర్థనను మన్నించి పూర్వ కథను వినిపించటం ప్రారంభించాడు..

అది వారణాసిలో బ్రహ్మదత్తుడు రాజ్యం చేస్తున్న కాలం. హిమాలయ ప్రదేశంలో దద్దర పర్వత ప్రాంతంలో నాగభవనంపై రాజ్యం చేస్తున్న దద్దర రాజుకు బోధిసత్వుడు కొడుకుగా జన్మించాడు. అతడికి మహాదద్దరకుడని పేరు పెట్టారు. అతడి తమ్ముడి పేరు చిన్న దద్దరుడు. అతడి కఠిన స్వభావం. ఆయన నాగకుమారుడిని దూషించేవాడు, బాధించేవాడు. విషపు కస్తూరి పాము అయినందున అందరిపై విషం చిమ్మేవాడు.

చిన్న దద్దురుడి హింసాత్మక ప్రవృత్తి.నాగరాజుకు తెలిసింది.

వెంటనే చిన్న దద్దురుడిని నాగభవనం నుండి వెళ్లిపొమ్మన్నాడు. కానీ మహా దద్దరుడు తండ్రిని వేడుకున్నాడు.

"చిన్నవాడు, తెలియక తప్పు చేశాడు.క్షమించండి. నాగభవన బహిష్కరణ శిక్షను ఉపసంహరించుకోండి" అని బతిమిలాడు.

దాంతో శాంతించిన నాగరాజు బహిష్కరణ ఆజ్ఞను

ఉపసంహరించుకున్నాడు.

కొన్నాళ్లకు మళ్లీ నాగరాజుకు చిన్న దద్దరుడి మీద ఆగ్రహం కలిగింది.

మళ్లీ నాగభవన బహిష్కరణ శిక్ష విధించాడు.

పెద్ద దద్దరుడు మళ్లీ నాగరాజును శాంతింపచేశాడు.

మూడవసారి మళ్లీ నాగరాజుకు చిన్న దద్దరుడి మీద పట్టలేని కోపం వచ్చింది.

మళ్లీ పెద్ద దద్దరుడు నాగరాజును శాంతింపచేయాలని ప్రయత్నించాడు. అయితే ఈసారి నాగరాజు కోపం పెద్ద దద్దరుడి పైకి మళ్లింది.