സർവ്വദോഷ സംഹാരിണി

വ്യാധികളകറ്റുന്ന ദേവി

- അജയ്കുമാർ

തമിഴ്നാട്ടിൽ കീർത്തികേട്ട ഒട്ടനവധി ദേവീ ക്ഷേത്രങ്ങളുണ്ട്. അവയെല്ലാം ഭക്തർക്ക് അനുഭവം കൊണ്ട് അനുഗ്രഹങ്ങൾ സിദ്ധിച്ചിട്ടുളളവയു മാണ്. അതിലൊന്നാണ് തിരുച്ചെന്തൂരിനടുത്ത് കുലശേഖരപട്ടണത്തുളള ശ്രീ മുത്താരമ്മൻ ക്ഷേത്രം. കുലശേഖര പാണ്ഡ്യൻ എന്ന രാജാവാണ് ഈ പുരാതന ക്ഷേത്രം പണി കഴിച്ചത്. മഹിഷാസുരനെ വധിക്കാനായി ഒൻപതു ദിവസം കടുത്ത തപസ്സനുഷ്ഠിച്ച് പത്താംനാൾ കാളീരൂപമെടുത്ത് പാർവ്വതീദേവി കൃത്യം നിർവ്വഹിച്ചു. ദേവി തപസ്സനുഷ്ഠിച്ച ഒൻപത് ദിവസവും കുല ശേഖര പട്ടണത്തിൽ ദസറാ ഉത്സവമായി കൊണ്ടാടപ്പെടുന്നു. മഹിഷാസുരനെ വധിച്ച പത്താംനാൾ വിജയദശമിയിൽ ഉത്സവം സമാപ്തിയിലെത്തുന്നു