ബുദ്ധിർബലം യശോധൈര്യം

ഹനുമാനെ അദ്ദേഹത്തിന്റെ അവതാരദിനമായ ഹനുമദ് ജയന്തി സുദിനത്തിൽ പൂജിച്ച് പ്രാർത്ഥിച്ചാൽ ദുഃഖ-ദുരിതങ്ങൾ മാറി ജീവിതത്തിൽ സുഖവും സന്തോഷവും സർവ്വ ഐശ്വര്യങ്ങളും സിദ്ധിക്കുമെന്ന് മാത്രമല്ല ഉദ്ദിഷ്ട കാര്യസിദ്ധിയുണ്ടാവുമെന്നുമാണ് വിശ്വാസം

- എ.കെ

ശ്രീരാമന്റെ രാമന്റെ ശ്രേഷ്ഠനായ അനുയായിയായി പാദസേവകനായ പരമഭക്തനായി വിളങ്ങുന്നു അഞ്ജനാ പുത്രനായ ആഞ്ജനേയൻ എന്ന ഹനുമാൻ. ഹനുമാനെ അദ്ദേഹത്തിന്റെ അവതാരദിനമായ ഹനുമദ് ജയന്തി സുദിനത്തിൽ പൂജിച്ച് പ്രാർത്ഥിച്ചാൽ ദുഃഖ-ദുരിതങ്ങൾ മാറി ജീവിതത്തിൽ സുഖവും സന്തോഷവും സർവ്വ ഐശ്വര്യങ്ങളും സിദ്ധിക്കുമെന്ന് മാത്രമല്ല ഉദ്ദിഷ്ട കാര്യസിദ്ധിയുണ്ടാവുമെന്നുമാണ് വിശ്വാസം.

ശ്രീരാമനവമി, സീതാകല്യാണം, ശ്രീരാമപട്ടാഭിഷേകം എന്നിങ്ങനെ രാമനാമം ചൊല്ലുന്നിടങ്ങളിലെല്ലാം ഹനുമാൻ നേരിട്ട് എത്തി അവിടെ ഭക്തർക്കൊപ്പം ഭക്തരിൽ ഒരാളായി ഇരുന്ന്ശ്രവിച്ച് ആസ്വദിച്ച് അവിടെയുള്ള ഭക്തർക്കെല്ലാം ഐശ്വര്യം വർഷിക്കുന്നു എന്നാണ് പറയുന്നത്. ജനക്കൂട്ടത്തിനിടയിൽ ഭക്തനായി മാരുതിയും ആസന സ്ഥനായിട്ടുണ്ടാവും എന്നതിനാൽ തുളസീദാസൻ രാമായണ പ്രഭാഷണം തുടങ്ങുന്നതിന് മുമ്പായി ഭക്തരെ വലംവയ്ക്കുമായിരുന്നു.

ഹനുമദ് ജയന്തി ദിവസം ഹനുമാന്റെ ഒറ്റയ്ക്കുള്ള ഫോട്ടോയോ, ശ്രീരാമപട്ടാഭിഷേക ഫോട്ടോയോ വൃത്തിയാക്കിയെടുത്ത് അതിന് ചന്ദനവും കുങ്കുമവും തൊടുവിച്ച് പുഷ്പഹാരമണിയിച്ച് ഹനുമാൻ കവചം, ഹനുമാൻ ചാലീസാ, വിഷ്ണു സഹസ്ര നാമം എന്നിവ പാരായണം ചെയ്യുകയോ ശ്രവിക്കുകയോ ചെയ്യാം.