മതസൗഹാർദ്ദത്തിന്റെ മധുരമനോഹര ശബ്ദം...

തുളസിക്കതിർ നുള്ളിയെടുത്ത് കണ്ണന്നൊരു മാലയ്ക്കായ്..' എന്ന ഒറ്റ കൃഷ്ണഭക്തിഗാനത്തിലൂടെ തന്നെ സംഗീതമാനസങ്ങൾ കീഴടക്കിയ ഹനാഫാത്തിം.

- പി. ജയചന്ദ്രൻ

തുളസിക്കതിർ നുള്ളിയെടുത്ത്
കണ്ണന്നൊരു മാലയ്ക്കായ്
പൊട്ടാത്ത നൂലിൽ കെട്ടി
എന്നെന്നും ചാർത്താം ഞാൻ...
തുളസിക്കതിർ നുള്ളിയെടുത്ത്
കണ്ണാ... കണ്ണാ... കണ്ണാ... കണ്ണാ....

ഏതാണ്ട് മുപ്പത്തി അഞ്ചുവർഷം മുൻപ്, തെങ്ങുകയറ്റത്തൊഴിലാളിയായിരുന്ന കരു നാഗപ്പള്ളിക്കാരൻ പട്ടശ്ശേരിൽ സഹദേവൻ രചിച്ച ഈ മനോഹര ഗാനം ഇക്കാലത്തിനിടെ എത്രപേർ പാടി എന്നുള്ളതിന് ആരുടെ പക്കലുമില്ല. കൃത്യമായ കണക്ക്. തൃക്കൊടിത്താനം സച്ചിദാനന്ദൻ ഉൾപ്പെടെ അറിയപ്പെടുന്ന ഒട്ടനവധി ഗായകർ നൂറുകണക്കിന് വേദികളിൽ ഈ കൃഷ്ണഭക്തി ഗാനം ആലപിച്ചിട്ടുണ്ട്.

 അതൊക്കെയും മധുരതരവും ഹൃദ്യവുമായിരുന്നു എന്നുള്ള കാര്യത്തിൽ സംശയം ഒട്ടുമേയില്ല. സംഗീതാസ്വാദകർ അത് തുറന്ന മനസ്സോടെ സ്വീകരിക്കുകയും ചെയ്തു. എന്നാൽ അതിനെ ഒരു തരംഗമാക്കി മാറ്റിയത് കരുനാഗപ്പള്ളി തൊടിയൂർ സ്വദേശിനിയായ ഒരു പെൺകുട്ടിയാണ്. ഒരു മുസ്ലീം പെൺകുട്ടി. കേവലം പതിനാല് വയസ്സും മാത്രം പ്രായമുണ്ടായിരുന്നപ്പോഴാണ്, തൊടിയൂർ മേച്ചിലഴികത്ത് വീട്ടിൽ ആധാരമെഴുത്തുകാരനായ നൗഷാമുദ്ദീന്റെയും കൊല്ലം കോർപ്പറേഷൻ ഉദ്യോഗസ്ഥ ജസീലയുടേയും രണ്ട് പെൺമക്കളിൽ മൂത്തവൾ ഹനാ ഫാത്തിം ആദ്യമായി ഈ പാട്ടുപാടുന്നത്. ആദ്യആലാപനത്തിൽ തന്നെ ഹനയുടെ മധുരസ്വരം പാട്ടിനെ വൈറലാക്കിയപ്പോൾ ചുരുങ്ങിയ ദിവസങ്ങൾക്കുള്ളിൽ പതിമൂന്ന് ലക്ഷം പേരാണ് ഹന പാടുന്നത് കാണുകയും കേൾക്കുകയും ചെയ്തത്. പന്തീരായിരത്തിന് മേൽ ലൈക്കും കിട്ടി.

അതേത്തുടർന്ന് മറ്റൊരു വലിയ കാര്യം കൂടി നടന്നു. ഹനയുടെ മധുരശബ്ദത്തിലൂടെ ലോകത്തെമ്പാടുമുള്ള സംഗീതാസ്വാദകർ ഹൃദയത്തിലേറ്റുവാങ്ങിയ ആ പാട്ടിന് വരികൾ ചമച്ച പട്ടശ്ശേരിൽ സഹദേവനെ മുപ്പത്തി അഞ്ചുവർഷങ്ങൾക്കു ശേഷം ലോകം തിരിച്ചറിയുകയും ചെയ്തു.

കഥയിങ്ങനെ..