റോസ് ഹൗസിലെ ശിവപാർവതിമാർ

പാർവ്വതിദേവിയുടെ കുടുംബപുരാണം

- പി. ജയചന്ദ്രൻ

ഹൈന്ദവ പുരാണം പറയുന്നത് ശിവനും പാർവ്വതിയും മാതൃകാദമ്പതികളാണെന്നാണ്. ഇവരിരുവരും ക്ഷേത്രങ്ങളിൽ ദർശനം ആരാധനാമൂർത്തികളായുള്ള നടത്തുന്നതും, ഉമാമഹേശ്വര പൂജാവഴിപാട് കഴിക്കന്നതും ദാമ്പത്യ ഐക്യത്തിനും സൽ സന്താന ലബ്ധിക്കും ഉത്തമമാണെന്നാണ് വിശ്വാസം. എങ്കിലും പ്രധാനം ദാമ്പത്യഐക്യം തന്നെ. എവിടെ ശിവപാർവ്വതിമാർ ആരാധിക്കപ്പെടുന്നോ അവിടെ ഭാര്യാ-ഭർതൃ ബന്ധം ദൃഢീകരിക്കുന്നു എന്നും വിശ്വാസികൾ വിശ്വസിച്ചുപോരുന്നു.

ഇതൊക്കെ എന്തിനാണ് ഇവിടിപ്പോൾ പറയുന്നത് എന്നുചോദിച്ചാൽ മറ്റൊരു ശിവനേയും പാർവ്വതിയേയും പരിചയപ്പെടുത്തുവാൻ വേണ്ടിയാണ്. അതായത്, ശിവപാർവ്വതി നാമത്തിൽ തന്നെയുള്ള അങ്ങനൊരു മാതൃകാദമ്പതികൾ നമ്മുടെ കേരളരാഷ്ട്രീയത്തിലും ഉണ്ടെന്നു സാരം. തിരുവനന്തപുരത്ത് വഴുതയ്ക്കാട്ടെ, മന്ത്രിമാരുടെ ഔദ്യോഗിക വസതിയായ റോസ് താമസക്കാരാണ് ഈ ഹൗസിലെ ഇപ്പോഴത്തെ ശിവനും പാർവ്വതിയും. പേരിൽ മാത്രമല്ല സ്വഭാവത്തിലും ഈ ശിവപാർവ്വതിമാർക്ക് പുരാണത്തിലെ ശിവ പാർവ്വതിമാരുമായുള്ള സാമ്യം വളരെ വലുതാണ്.

ഉദാഹരണത്തിന് പുരാണത്തിലെ ശിവൻ ഗൗരവസ്വഭാവക്കാരനാണല്ലോ. ക്ഷിപ്രകോപിയും ക്ഷിപ്രപ്രസാദിയും. ഈ ശിവനും ഏതാണ്ടങ്ങനെ തന്നെയാണ്. കാഴ്ചയിൽ ഗൗരവക്കാരനായ ഈ ശിവൻ തെറ്റുകൾക്ക് നേരെ പ്രകോപിച്ചാലും ശരികൾക്ക് നേരെ ക്ഷിപ്രപ്രസാദിയായും മാറും.

എന്നാൽ പാർവ്വതിദേവി പക്ഷേ അങ്ങനെയല്ല. സൗമ്യയാണ്; ശാന്തയും. ഒപ്പം ചിരിയുടെ ഹോൾ സെയിൽ ഡീലറും. അതായത് ഭർത്താവ് ചിരിയുടെ കാര്യത്തിൽ പിശുക്കു കാട്ടുമ്പോൾ പാർവ്വതി അതു കൂടി കോമ്പൻസേറ്റ് ചെയ്യുന്നു എന്നർത്ഥം.

ഇനിയും മനസ്സിലായില്ലേ ആരൊക്കെയാണ് കഥാപാത്രങ്ങളെന്ന്. ശിവൻ എന്നാൽ സാക്ഷാൽ ശിവൻകുട്ടി. സംസ്ഥാന വിദ്യാഭ്യാസവകു മന്ത്രി. പാർവ്വതി എന്നാൽ ശിവൻകുട്ടിയുടെ ഭാര്യ പാർവ്വതിദേവിയും.

കണ്ടും കേട്ടും വളർന്നത് കമ്മ്യൂണിസ്റ്റ് രാഷ്ട്രീയം