ഈ ജീവിതം സന്തുഷ്ടം രാധ

തന്റെ വിജയഗാഥ "മഹിളാരത്നം' വായനക്കാരുമായി പങ്കിടുകയാണിവിടെ രാധ.

- അജയ്കുമാർ

എൺപതുകളിൽ തെന്നിന്ത്യൻ സിനിമയിൽ വ്യക്തിമുദ്ര പതിപ്പിച്ച എവർഗ്രീൻ നായികയാണ് രാധ. ഗ്ലാമർ, ഹോമിലി എന്നീ രണ്ട് വേഷങ്ങളിലും അഭിനയിച്ച് പ്രതിഭ തെളിയിച്ച് ആരാധകരെ വശീകരിച്ചു രാധ. അഭിനയിച്ചതിൽ അധികവും തമിഴിൽ സൂപ്പർ താരങ്ങളായ രജനി, കമൽ, മോഹൻ ഉൾപ്പെടെയുള്ളവരുടെ നായികയായി. രാധയുടെ സഹോദരി അംബികയും ഇതേ കാലഘട്ടത്തിൽ തന്നെ പ്രശസ്തിയുടെ കൊടുമുടിയിലായിരുന്നു എന്നതും ശ്രദ്ധേയം. തമിഴ് തെലുങ്ക് സിനിമകളിലെ അവിഭാജ്യഘടക നായികയായിരുന്ന രാധ വിവാഹത്തിനുശേഷം ഇതുവരെ സിനിമയിൽ അഭിനയിച്ചിട്ടുമില്ല. എങ്കിലും ആരാധകരുടെ സ്നേഹം അവർക്ക് ഇന്നുവരെ നഷ്ടപ്പെട്ടിട്ടുമില്ല. ഹോട്ടൽ ബിസിനസ്സ് മേഖലയിലും അവർ വിജയക്കൊടി പാറിക്കുന്നു. തന്റെ വിജയഗാഥ "മഹിളാരത്നം' വായനക്കാരുമായി പങ്കിടുകയാണിവിടെ രാധ.

തിരുവനന്തപുരത്തിനടുത്തുള്ള കല്ലറയാണ് ഞങ്ങളുടെ  സ്വദേശം. അംബിക, മല്ലിക എന്നീ രണ്ട് ചേച്ചിമാരും രണ്ട് അനുജന്മാരുമുണ്ട്. എഞ്ചിനീയറായ അച്ഛന് ജോലിത്തിരക്ക് കാരണം അമ്മയുടെ ആസ്ളേഷത്തിലാണ് ഞങ്ങൾ വളർന്നത്. ദിവസവും വൈകുന്നേരമായാൽ കുടുംബാംഗങ്ങൾ ഒന്നടങ്കം വരാന്തയിലിരുന്ന് കഥ പറച്ചിലുകൾ , ഡാൻസ് എന്നിങ്ങന ആഹ്ലാദത്തിമിർപ്പിലുള്ള ബാല്യകൗമാരം. ആ പ്രായത്തേയും ഗ്രാമീണ ജീവിതത്തേയും സന്തുഷ്ടമായി തന്നെ അനുഭവിച്ചു. ഞങ്ങൾ അഞ്ചുപേരും പഠിത്തം കൂടാതെ കലാപരിപാടികളിലും പങ്കെടുക്കണം. അതിൽ ജയപരാജയങ്ങൾ പ്രശ്നമല്ല. ഞങ്ങൾ കുസൃതി കാണിച്ചാൽ അമ്മയുടെ വക ചൂരൽ പ്രയോഗം ഓരോരുത്തർക്കും പ്രത്യേകം പ്രത്യേകം തീർച്ച...