എഴുതിക്കോ, ധൈര്യമായി എഴുതിക്കോ...

വഴിവിളക്കുകൾ

- കെ.പി. രാമനുണ്ണി

മലയാളത്തിലെ പ്രമുഖ എഴുത്തുകാരൻ. കേന്ദ്ര - കേരള സാഹിത്യ അക്കാദമി അവാർഡുകൾ, വയലാർ അവാർഡ്, ഇടശ്ശേരി അവാർഡ് തുടങ്ങി ഒട്ടേറെ പുരസ്കാരങ്ങൾ. വിധാതാവിന്റെ ചിരി ആദ്യ കഥാസമാഹാരം. ആദ്യനോവലായ 'സൂഫി പറഞ്ഞ കഥ' ഒൻപതു ഭാഷകളിൽ വിവർത്തനം ചെയ്യപ്പെടുകയും സിനിമയാകുകയും ചെയ്തിട്ടുണ്ട്. 'ചരമവാർഷികം’,‘ജീവിതത്തിന്റെ പുസ്തകം' "ദൈവത്തിന്റെ പുസ്തകം', 'ജാതി ചോദിക്കുക', 'മുഖലക്ഷണം', 'പുരുഷവിലാപം', 'മനുഷ്യമൃഗം' തുടങ്ങി മുപ്പതോളം പുസ്തകങ്ങൾ രചിച്ചു. പട്ടാറമ്പിൽ ദാമോദരൻ നായരുടെയും കരുമത്തിൽ പുത്തൻവീട്ടിൽ ജാനകിയമ്മയുടെയും മകനായി 1955 ൽ ജനിച്ചു. ഭാര്യ: രാജി, മകൾ: ശ്രീദേവി വിലാസം: കെ.പി. രാമനുണ്ണി, പി.ഒ. പെരുമണ്ണ, കോഴിക്കോട് - 673019

ഗുരുക്കന്മാർ, മതാധ്യക്ഷന്മാർ, സാംസ്കാരിക നേതാക്കൾ എന്നിവരാണല്ലോ പലരുടെയും വഴിവിളക്കുകളായി വർത്തിക്കാറുള്ളത്. എന്നെ സംബന്ധിച്ചിടത്തോളം ഒരു ചികിത്സകനായിരുന്നു, നാടൻ ഭാഷയിൽ പറഞ്ഞാൽ ഭ്രാന്തന്മാരെ ചികിത്സിക്കുന്ന ഡോക്ടറായിരുന്നു ജീവിതത്തിൽ വഴിവെളിച്ചം വിതറിയത്.