നിലനിർത്തുമോ ഫ്രഞ്ച് പട

വിശ്വകിരീടം നിലനിർത്താൻ പോന്ന പടക്കോപ്പുകളെല്ലാം ഫ്രാൻസിന്റെ ആയുധപ്പുരയിലുണ്ട്. നിലവിലെ മോശം ഫോം മാത്രമാണ് ആരാധകരെ അല്പമെങ്കിലും ആശങ്കയിലാക്കുന്നത്

- മുഹമ്മദ് മുസ്തഫ

ഫ്രെഞ്ച് മണ്ണ് ജന്മം കൊടുത്ത എക്കാലത്തെയും വലിയ പടനായകനായി അറിയപ്പെടുന്നത് നെപ്പോളിയൻ ബോണപ്പാർട്ടാണ്. അദ്ദേഹത്തിനും സൈന്യത്തിനും അടിതെറ്റിയത് റഷ്യയുടെ മണ്ണിൽ. പത്തൊമ്പതാം നൂറ്റാണ്ടിന്റെ ആരംഭത്തിൽ റഷ്യയിൽ നേരിട്ട പരാജയത്തിൽനിന്നാണ് നെപ്പോളിയന്റെ പതനം ആരംഭിക്കുന്നത്. എന്നാൽ, ഇരുപത്തിയൊന്നാം നൂറ്റാണ്ടിൽ അതേ റഷ്യൻ മണ്ണിൽ നിന്ന് വിശ്വകിരീടം നേടിക്കൊണ്ട് ഫ്രഞ്ച് പട കഴിഞ്ഞ ലോകകപ്പ് അവിസ്മരണീയമാക്കി. യുവരക്തങ്ങൾ നിറഞ്ഞ അന്നത്തെ ഫ്രഞ്ച് നിര റഷ്യൻ മണ്ണിൽ നിന്നാരംഭിച്ച തങ്ങളുടെ ജൈത്രയാത്ര അറേബ്യൻ മണലാരണ്യത്തിലും ആവർത്തിക്കുമോ?

ലോകകപ്പ് പോലൊരു ബിഗ് സ്റ്റേജിൽ വിജയിക്കാനാവശ്യമായ പരിചയസമ്പത്തും യുവത്വവും ഒത്തുചേർന്നൊരു താരനിര. ഒപ്പം അത് കൃത്യമായി ഉപയോഗപ്പെടുത്തുന്നതിൽ വിദഗ്ധനായ ഒരു പരിശീലകൻ. ഖത്തറിലേക്കെത്തുമ്പോൾ ലോകകപ്പ് നിലനിർത്തുക എന്ന തിൽക്കുറഞ്ഞ മറ്റൊന്നും തന്നെ ഫ്രഞ്ച് നിര ലക്ഷ്യം വെയ്ക്കുന്നില്ല.

സൂപ്പർ താരനിര

വിശ്വവിജയികളായി റഷ്യയിൽ നിന്ന് മടങ്ങിയ ഫ്രഞ്ച് പട ഖത്തറിലെത്തുമ്പോഴും ഫേവറിറ്റുകളായി തുടരുന്നുണ്ട്. അതിന് പ്രധാനകാരണം സ്ക്വാഡ് കൂടുതൽ മെച്ചപ്പെട്ടുവെന്നതു തന്നെയാണ്. റഷ്യയിലെ വിജയശില്പികൾ ഇപ്പോഴും ഫ്രഞ്ച് ടീമിന്റെ കാമ്പായി തുടരുന്നു. അതോടൊപ്പം നിലവിൽ യൂറോപ്യൻ ഫുട്ബോളിൽ ഏറ്റവും മികച്ച ഫോമിൽ പന്തു തട്ടുന്ന താരങ്ങൾകൂടി ടീമിലുണ്ട്.

റിസർവ് ബെഞ്ചിൽപ്പോലും സൂപ്പർതാരങ്ങളുടെ ബാഹുല്യമുള്ള സംഘമാണ് ലെ ബ്ലൂസ്. ഖത്തറിലേക്കുള്ള സ്ക്വാഡിൽ ആരെയൊക്കെ ഒഴിവാക്കേണ്ടി വരുമെന്ന ചോദ്യമാണ് പരിശീലകൻ ദിദിയൻ ദെഷാം പ്സിന് ഏറ്റവും വലിയ തലവേദന സൃഷ്ടിക്കാൻ പോകുന്നത്.

പ്രതിരോധനിര

ഖത്തറിൽ ഗോൾ മുഖത്ത് പരിചയസമ്പന്നനായ ക്യാപ്റ്റൻ ഹ്യുഗോ ലോറിസ് തന്നെയാകും നിലയുറപ്പിക്കുന്നത്. നേഷൻസ് ലീഗ് സെമിയിലും ഫൈനലിലും ഉജ്ജ്വ ലപ്രകടനങ്ങളുമായി കിരീടത്തിലെത്തിക്കുന്നതിൽ നിർണായക പങ്കുവഹിച്ച ലോറിസ് ഒരിക്കൽക്കൂടി ഫ്രഞ്ച് ഗോൾവലയുടെ കാവൽക്കാരനാകും. മൈക്ക് മൈൻ, അൽഫോൻസ് അരിയോള എന്നി വർ രണ്ട്, മൂന്ന് ഗോൾകീപ്പർമാരുടെ റോൾ വഹിക്കും.